സിഡ്‌നി: ക്വാറന്റൈനില്‍ പരിശീലനം തുടരുമ്പോഴും പാട്ടും ഡാന്‍സും ധവാന് മാറ്റി വെക്കുന്നില്ല. ഐപിഎല്ലില്‍ നിറം പകര്‍ന്നതിന് പിന്നാലെ ഇന്ത്യന്‍ ടീം അംഗങ്ങള്‍ക്കൊപ്പം ചുവടുവെച്ചാണ് ഇപ്പോള്‍ ധവാന്റെ വരവ്.
ഇവിടെ പൃഥ്വി ഷായാണ് ധവാന് ഒപ്പമുള്ളത്. സ്ത്രീയുടെ വേഷത്തിലാണ് പൃഥ്വിയുടെ വരവ്. ലൈല ഇപ്പോഴും എന്നെ ഭ്രാന്ത് പിടിപ്പിക്കുന്നു എന്നാണ് വീഡിയോയ്‌ക്കൊപ്പം ധവാന് കുറിച്ചത്. ഓസ്‌ട്രേലിയന്‍ പര്യടനത്തിനായി എത്തിയ ഇന്ത്യന്‍ സംഘം സിഡ്‌നിയില്‍ 14 ദിവസത്തെ ക്വാറന്റൈനില്‍ കഴിയുകയാണ്.
കഴിഞ്ഞ ദിവസം നെറ്റ്‌സില്‍ പരിശീലനം നടത്തുന്നതിന്റെ വീഡിയോയും ധവാന് പങ്കുവെച്ചിരുന്നു. പ്രധാനപ്പെട്ട ടൂര്‍ണമെന്റിന് വേണ്ടിയുള്ള ഒരുക്കങ്ങള്‍ ഫുള്‍ സ്വിങ്ങില്‍ എന്നായിരുന്നു ധവാന്റെ വാക്കുകള്‍. ഐപിഎല്ലിലെ റണ്‍വേട്ടയില്‍ രണ്ടാമതായാണ് ധവാന് സീസണ്‍ അവസാനിപ്പിച്ചത്. 17 കളിയില്‍ നിന്ന് കണ്ടെത്തിയത് 618 റണ്‍സ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
