ചെന്നൈ: റോയല് ചലഞ്ചേഴ്സ് ബാംഗ്ലൂര് ഓപ്പണര് ദേവ്ദത്ത് പടിക്കലിന് കോവിഡ്. ഐസൊലേഷനിലാണ് ദേവ്ദത്ത് ഇപ്പോള്. ഇതോടെ ദേവ്ദത്തിന് ബാംഗ്ലൂരിന്റെ സീസണിലെ ആദ്യ രണ്ട് മത്സരങ്ങളും നഷ്ടമാവും.
ശനിയാഴ്ച ഡല്ഹി ക്യാപിറ്റല്സ് സ്പിന്നര് അക്സര് പട്ടേലിന് കോവിഡ് സ്ഥിരീകരിച്ചിരുന്നു. മുംബൈയിലാണ് ഡല്ഹി ക്യാപിറ്റല്സ് ടീം അംഗങ്ങള്. ചെന്നൈയിലാണ് ആര്സിബി ടീം ഇപ്പോള്. ഏപ്രില് 9ന് മുംബൈ ഇന്ത്യന്സിന് എതിരെയാണ് ബാംഗ്ലൂരിന്റെ ആദ്യ മത്സരം.
2020 ഐപിഎല് സീസണില് ആര്സിബിയുടെ ടോപ് സ്കോററായിരുന്നു ദേവ്ദത്ത്. 15 കളിയില് നിന്ന് 473 മത്സരങ്ങളാണ് പടിക്കല് സ്കോര് ചെയ്തത്. ബാറ്റിങ് ശരാശരി 31.53. സയിദ് മുഷ്താഖ് അലി ട്രോഫിയില് വലിയ മികവ് പുറത്തെടുത്താണ് ഇത്തവണ ഐപിഎല്ലിനായി പടിക്കല് എത്തിയത്.
ആറ് കളിയില് നിന്ന് 218 റണ്സ് ആണ് സയിദ് മുഷ്താഖ് അലി ട്രോഫിയില് പടിക്കല് നേടിയത്. വിജയ് ഹസാരെ ട്രോഫിയിലേക്ക് എത്തിയപ്പോള് 147.40 എന്നതാണ് ദേവ്ദത്തിന്റെ ബാറ്റിങ് ശരാശരി. ഏഴ് കളിയില് നിന്ന് വാരിക്കൂട്ടിയത് 737 റണ്സ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ