ന്യൂഡല്ഹി: രാജ്യാന്തര ക്രിക്കറ്റില് നിന്ന് വിരമിക്കുന്നതിന്റെ സൂചന നല്കി ഇന്ത്യന് വനിതാ ക്യാപ്റ്റന് മിതാലി രാജി. 2022ല് ന്യൂസിലാന്ഡ് വേദിയാവുന്ന ഏകദിന ലോകകപ്പ് തന്റെ അവസാനത്തെ ടൂര്ണമെന്റായിരിക്കും എന്ന് മിതാലി പറഞ്ഞു.
പ്രയാസമേറിയ കാലഘട്ടത്തിലൂടെയാണ് നമ്മള് കടന്നു പോവുന്നത്. അടുത്ത വര്ഷം നടക്കുന്ന ലോകകപ്പിന് വേണ്ടി ഫിറ്റ്നസ് നിലനിര്ത്താന് കഠിനമായി അധ്വാനിക്കുന്നുണ്ട്. എന്നാല് ഞാന് ചെറുപ്പമാവുകയല്ല, പ്രായം കൂടിവരികയാണ് എന്ന ബോധ്യമുണ്ട്, മിതാലി പറഞ്ഞു.
21 വര്ഷമായി ഇന്ത്യക്ക് വേണ്ടി കളിക്കുന്ന താരമാണ് മിതാലി. 1999ല് അയര്ലാന്ഡിനെതിരെ കളിച്ചായിരുന്നു രാജ്യാന്തര ക്രിക്കറ്റിലെ അരങ്ങേറ്റം. രാജ്യാന്തര ക്രിക്കറ്റില് 7098 റണ്സും, ടെസ്റ്റില് 663 റണ്സും ടി20യില് 2364 റണ്സും 38കാരിയായ മിതാലിയുടെ പേരിലുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ