ഐപിഎല്ലിലും, ബിബിഎല്ലിലും തകര്‍പ്പന്‍ ഫോമില്‍ ബാറ്റ് ചെയ്ത നിക്കോളാസ് പൂരന്‍ അബുദാബി ടി10 ലീഗിലേക്ക് എത്തിയപ്പോഴും തകര്‍ത്തു കളിക്കുകയാണ്. ബംഗ്ലാ ടൈഗേഴ്‌സിന് എതിരായ കളിയില്‍ 26 പന്തില്‍ നിന്ന് 89 റണ്‍സ് ആണ് പൂരന്‍ അടിച്ചെടുത്തത്. അവിടെ പറത്തിയത് 12 സിക്‌സും.
89 റണ്‍സ് എടുത്തപ്പോള്‍ അതില്‍ 80.89 ശതമാനം റണ്‍സും വന്നത് സിക്‌സുകളില്‍ നിന്ന്. മൂന്ന് ഫോറും ആ കൂട്ടത്തിലുണ്ടായി. 342.31 എന്ന സ്‌ട്രൈക്ക്‌റേറ്റിലാണ് പൂരന്‍ കളി അവസാനിപ്പിച്ച് മടങ്ങിയത്.
പിന്നാലെ പൂരന്റെ 12 സിക്‌സുകളുടേയും വീഡിയോയുമായി ടി10 ലീഗ് എത്തി. പൂരന്റെ ഇന്നിങ്‌സിന്റെ ബലത്തില്‍ 10 ഓവറില്‍ 162 റണ്‍സ് ആണ് നോര്‍ത്തേണ്‍ വാരിയേഴ്‌സ് അടിച്ചെടുത്തത്. ബംഗ്ലാ ടൈഗേഴ്‌സിന് 30 റണ്‍സിന്റെ തോല്‍വി വഴങ്ങേണ്ടി വന്നു,
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
