കേപ്ടൗണ്: സച്ചിന് ടെണ്ടുല്ക്കറുടെ ഏറെ ചര്ച്ചയായ ഇന്ത്യ ടുഗെദര് ട്വീറ്റ് സൗത്ത് ആഫ്രിക്കന് മുന് താരം ജോണ്ടി റോഡ്സിന്റെ ട്വിറ്ററിലിട്ട് ഹക്കര്മാര്. തന്റെ ട്വിറ്റര് അക്കൗണ്ട് ഹാക്ക് ചെയ്തതായി ജോണ്ടി റോഡ്സ് തന്നെയാണ് അറിയിച്ചത്.
എന്റെ ട്വിറ്റര് അക്കൗണ്ട് ഹാക്ക് ചെയ്തു, ഇതിന് മുന്പ് ഇങ്ങനെ ഉണ്ടായിട്ടില്ലെന്നാണ് സച്ചിന്റെ ട്വീറ്റിന്റെ സ്ക്രീന്ഷോട്ട് പങ്കുവെച്ച് ജോണ്ടി റോഡ്സ് ഇന്സ്റ്റഗ്രാമില് കുറിച്ചത്. സച്ചിന്റെ ട്വിറ്റ് വിവാദമായി നില്ക്കുമ്പോഴാണ് ജോണ്ടി റോഡ്സിന്റെ അക്കൗണ്ട് ഹാക്ക് ചെയ്ത് അതില് കര്ഷക സമരത്തിന് എതിരായ സച്ചിന്റെ ട്വീറ്റ് ഇടുന്നതെന്നതും ശ്രദ്ധേയമാണ്.
ജോണ്ടി റോഡ്സിന്റെ ഇന്സ്റ്റഗ്രാം അക്കൗണ്ടിലും കൂടുതല് പ്രതികരണങ്ങള് വരുന്നത് ഇന്ത്യക്കാരില് നിന്നാണ്. ഇന്ത്യയുടെ പ്രശ്നത്തില് പുറത്ത് നിന്നുള്ളവര് ഇടപെടേണ്ടതില്ല എന്നായിരുന്നു സച്ചിന്റെ ട്വീറ്റ്. കര്ഷക സമരത്തെ പിന്തുണച്ച് പോപ്പ് താരം റിഹാനയുടെ പ്രതികരണത്തിന് മറുപടി നല്കുകയായിരുന്നു സച്ചിന്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ