ന്യൂഡല്ഹി: ഗബ്ബയിലെ ഇന്ത്യയുടെ ജയത്തിന് പിന്നാലെ നാല് ഇന്ത്യന് കളിക്കാരുടെ മതം പറഞ്ഞ് ഐപിഎല് മുന് ചെയര്മാന് രാജീവ് ശുക്ല. വ്യത്യസ്ത മതങ്ങളില് നില്ക്കുന്ന ഇവര് ഒരുമിച്ച് കളിച്ച് ഇന്ത്യക്കായി ജയം നേടിത്തന്നു എന്ന് പറയാനാണ് രാജീവ് ശുക്ല ശ്രമിക്കുന്നത്. എന്നാല് വലിയ വിമര്ശനം ഇതിന് എതിരെ ആരാധകരുടെ ഭാഗത്ത് നിന്ന് വരുന്നു.
റിഷഭ് പന്ത് ഹിന്ദു, മുഹമ്മദ് സിറാജ് മുസ്ലീം, ശുഭ്മാന് ഗില് സിഖ്, വാഷിങ്ടണ് സുന്ദര് ക്രിസ്ത്യന്..ഒരുമിച്ച് ഇവര് ഇന്ത്യയെ ജയിപ്പിച്ചു എന്നാണ് രാജീവ് ശുക്ല ട്വിറ്ററില് കുറിച്ചത്. എന്നാല് വാഷിങ്ടണ് സുന്ദര് ക്രിസ്ത്യന് മതത്തില് ഉള്പ്പെട്ടതല്ല എന്നുള്പ്പെടെ ചൂണ്ടിക്കാണിച്ച് ആരാധകരുടെ വിമര്ശനം എത്തുന്നു.
എല്ലാ കളിക്കാരും ഇന്ത്യക്കാരാണ് എന്നാണ് രാജീവ് ശുക്ലയ്ക്ക് മറുപടിയായി ആരാധകര് പറയുന്നത്. നേരത്തെ മുഹമ്മദ് സിറാജും റിഷഭ് പന്തും ജയം ആഘോഷിക്കുന്ന ഫോട്ടോ പങ്കുവെച്ച് ഹിന്ദുവും മുസ്ലീമും ഒരുമിച്ച് ആഘോഷിക്കുന്നു എന്ന ട്വീറ്റുമായും രാജീവ് ശുക്ല എത്തിയിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ