ന്യൂഡല്‍ഹി: ടോക്യോ ഒളിംപിക്‌സിന്റെ ഉദ്ഘാടന ചടങ്ങില്‍ ബോക്‌സിങ് ഇതിഹാസം മേരി കോം, ഹോക്കി ടീം നായകന്‍ മന്‍പ്രീത് സിങ് എന്നിവര്‍ ഇന്ത്യന്‍ പതാക വഹിക്കും. ഇന്ത്യന്‍ ഒളിംപിക് അസോസിയേഷനാണ് ഇരുവരുടേയും പേര് പ്രഖ്യാപിച്ചത്.
സമാപന ചടങ്ങില്‍ ഗുസ്തി താരം ബജ്‌റംഗ് പുനിയ ത്രിവര്‍ണ പതാക വഹിക്കും. ഓഗസ്റ്റ് എട്ടിനാണ് ഒളിംപിക്‌സ് പോരാട്ടങ്ങള്‍ സമാപിക്കുന്നത്. ഈ മാസം 23 മുതലാണ് ഒളിംപിക്‌സ് പോരാട്ടങ്ങള്‍ക്ക് തുടക്കമാകുന്നത്.
126 കായിക താരങ്ങളും 75 ഒഫീഷ്യല്‍സും ഉള്‍പ്പെടെ 201 അംഗങ്ങളാണ് ടോക്യോയിലേക്ക് പറക്കുന്ന ഇന്ത്യന്‍ സംഘത്തിലുള്ളത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
