അമേരിക്കയിൽ നടന്ന ബേസ്ബോൾ മത്സരത്തിനിടെയുണ്ടായ ഒരു സംഭവത്തിന്റെ ദൃശ്യങ്ങളാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. ഒരു കയ്യിൽ ബിയറും മറുകയ്യിൽ കുട്ടിയുമായി മത്സരം കണ്ടുകൊണ്ടിരുന്ന അച്ഛൻ തന്റെ നേർക്കെത്തിയ പന്ത് കൈക്കലാക്കിയതാണ് വിഡിയോ. ആരിസോണയിലെ ഫിനിക്സിൽ നടന്ന മത്സരത്തിനിടെയാണ് സംഭവം.
ഇടുതകൈയിൽ എടുത്തിരുന്ന കുട്ടിയെ വിട്ടാണ് അയാൾ പന്ത് പിടിച്ചത്. ഞൊടിയിടയിൽ താഴേക്ക് വീഴുന്ന മകളെയും അയാൾ ചേർത്തുപിടിച്ചു. വലതുകൈയ്യിലെ ബിയറും ഭദ്രം. നിമിഷങ്ങൾക്കുള്ളിലാണ് എല്ലാം സംഭവിച്ചത്. വിഡിയോ വൈറലായതിന് പിന്നാലെ വ്യത്യസ്ത പ്രതികരണങ്ങളാണ് എത്തുന്നത്. ചിലർ അയാളെ മൾട്ടി ടാസ്കിങ് സിംഹം എന്ന് വിശേഷിച്ചപ്പോൾ മറ്റുചിലർ എങ്ങനെ ഒരു രക്ഷകർത്താവാകരുത് എന്നതിനുള്ള ഉദാഹരമാണ് ഈ അച്ഛൻ എന്നാണ് പറഞ്ഞത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ