ടോക്യോ: രണ്ട് ഗെയിം പിന്നില് നിന്നതിന് ശേഷം ലോക 32ാം നമ്പര് താരത്തെ തകര്ത്ത് തിരിച്ചുവരവ് നടത്തി ഇന്ത്യയുടെ ടേബിള് ടെന്നീസ് താരം മനിക ബത്ര. 57 മിനിറ്റ് നീണ്ട പോരില് ഉക്രെയ്നിന്റെ മാര്ഗര്യറ്റ പെസോട്സ്കയെ 4-3(4-11,4-11,11-7,12-11,8-11,11-5,11-7) എന്ന സ്കോറിനാണ് മനിക തോല്പ്പിച്ചത്.
ലോക റാങ്കിങ്ങില് തന്നേക്കാള് 30 സ്ഥാനം മുകളില് നില്ക്കുന്ന താരത്തെ തോല്പ്പിച്ചാണ് മനികയുടെ മൂന്നാം റൗണ്ടിലേക്കുള്ള പ്രവേശനം. പെസോട്സ്ക 2-0ന് ലീഡ് ചെയ്തപ്പോള് എട്ട് പോയിന്റ് മാത്രമാണ് മനികയ്ക്ക് നേടാനായത്. എന്നാല് മൂന്നാം ഗെയിമില് റാലികളിലൂടെ എതിരാളിയെ സമ്മര്ദത്തിലാക്കിയ മനിക മൂന്നാം ഗെയിം 11-7ന് ജയിച്ചു. ത്രില്ലറിന് ഒടുവില് നാലാം ഗെയിമും.
മിക്സഡ് ഡബിള്സില് റൗണ്ട് 16ല് തന്നെ ഇന്ത്യന് സഖ്യം പുറത്തായിരുന്നു. ലോക ഒന്നാം നമ്പര് സഖ്യമായ ലിന് യുന്, ചെങ് ചിങ് സഖ്യത്തോട് തോറ്റാണ് ശരത് കമാലും മനിത ബത്രയും പുറത്തായത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ