ടോക്യോ: ഒളിംപിക്സ് ഷൂട്ടിങിൽ ഇന്ത്യൻ പ്രതീക്ഷകൾക്ക് ഇന്നും തിരിച്ചടി. 10 മീറ്റർ എയർ പിസ്റ്റൾ മിക്‌സഡ് ടീം ഇനത്തിൽ മനു ഭക്കർ- സൗരഭ് ചൗധരി സഖ്യം രണ്ടാം റൗണ്ടിൽ പുറത്തായി.
രണ്ടാം റൗണ്ടിലേക്ക് മുന്നേറി ഇന്ത്യൻ പ്രതീക്ഷകൾക്ക് ചിറക് നൽകിയ ഇരുവർക്കും പക്ഷേ ഫൈനൽ യോഗ്യത നേടാൻ സാധിക്കാതെ പോയി. രണ്ടാം റൗണ്ടിൽ ഇരുവരും ഏഴാം സ്ഥാനത്താണ് ഫിനിഷ് ചെയ്തത്.
ഇന്ത്യൻ മെഡൽ പ്രതീക്ഷയായ സൗരഭ്- മനു സഖ്യം 582 പോയിന്റ് നേടിയാണ് സൗരഭ്- മനു ഭക്കർ സഖ്യം യോഗ്യതാ റൗണ്ടിന്റെ രണ്ടാം ഘട്ടത്തിലേക്ക് മുന്നേറിയത്‌. എന്നാൽ മനു ഭക്കറിന്റെ മോശം ഫോം ഇന്ത്യൻ മുന്നേറ്റത്തെ സാരമായി ബാധിച്ചു.
ഇതേ ഇനത്തിൽ തന്നെ മത്സരിച്ച മറ്റൊരു സഖ്യമായ അഭിഷേക് വർമ- യശസ്വിനി ദേശ്വാൾ സഖ്യം ആദ്യ റൗണ്ടിൽ തന്നെ പുറത്തായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
