സ്വര്‍ണ മെഡല്‍ ജേതാവിനെ കടപുഴക്കി, അമ്പെയ്ത്തില്‍ അതാനു ദാസ് ക്വാര്‍ട്ടര്‍ ഫൈനലില്‍ 

ടോക്യോ: അമ്പെയ്ത്തിലെ വ്യക്തിഗത വിഭാഗത്തില്‍
ഇന്ത്യയുടെ അതാനു ദാസ് ക്വാര്‍ട്ടര്‍ ഫൈനലില്‍. ചൈനീസ് താരം യു ചെങ് ഡാങ്ങിനെ തോല്‍പ്പിച്ചാണ് ക്വാര്‍ട്ടറിലേക്ക് കടന്നത്. 2012 ഒളിംപിക്‌സിലെ സ്വര്‍ണ മെഡല്‍ ജേതാവാണ് യു ചെങ്. 

6-4 എന്ന സ്‌കോറിനാണ് അതാനുവിന്റെ ജയം. 27,27,28,27,28 എന്ന നിലയിലാണ് അഞ്ച് സെറ്റ് മത്സരം കഴിഞ്ഞപ്പോള്‍ അതാനുവിന്റെ സ്‌കോര്‍. 26,28,26,28,26 എന്നതാണ് ചൈനീസ് താരത്തിന്റെ സ്‌കോര്‍. 

ആദ്യ സെറ്റിലെ ആദ്യ ആരോയില്‍ 10 കണ്ടെത്താനായതാണ് തുടക്കത്തില്‍ തന്നെ അതാനുവിന് മുന്‍തൂക്കം നേടിക്കൊടുത്തത്. 8-99 എന്നതായിരുന്നു ആദ്യ സെറ്റില്‍ ഡെങ്ങിന്റെ സ്‌കോര്‍. സെറ്റ് രണ്ടില്‍ ചൈനീസ് താരം ശക്തമായി തിരിച്ചെത്തി. എന്നാല്‍ മൂന്നാം സെറ്റില്‍ 9-10-9 എന്ന പ്രകടനത്തോടെ അതാനു മുന്‍തൂക്കം നേടി. അവസാന ആരോയില്‍ 7 മാത്രം കണ്ടെത്താനാണ് ചൈനീസ് താരത്തിനായത്.