റിയോ ഡി ജെനീറോ: കോപ്പ അമേരിക്ക ഫുട്ബോളിൽ ആദ്യ മത്സരത്തിൽ തന്നെ വിജയം സ്വന്തമാക്കി കൊളംബിയ. എതിരില്ലാത്ത ഒരു ഗോളിന് ഇക്വഡോറിനെ കീഴടക്കിയാണ് ഗ്രൂപ്പ് എ യിൽ നടന്ന മത്സരത്തിൽ കൊളംബിയ വിജയം നേടിയത്. എഡ്വിൻ കാർഡോണയാണ് വിജയ ഗോൾ നേടിയത്.
41-ാം മിനിട്ടിൽ ഫ്രീകിക്കിലൂടെ ലഭിച്ച പാസ് കൃത്യമായി വലയിലെത്തിച്ചാണ് മധ്യനിര താരം കാർഡോണ ടീമിനായി ഗോൾ നേടിയത്. റഫറി ആദ്യം ഓഫ്‌സൈഡ് വിളിച്ചെങ്കിലും വി എ ആറിലൂടെ പിന്നീട് ഗോൾ അനുവദിക്കുകയായിരുന്നു. രണ്ടാം പകുതിയിൽ മികച്ച കളി പുറത്തെടുത്ത ഇക്വഡോർ സമനില ഗോളിനായി പരിശ്രമിച്ചെങ്കിലും ഫലം കണ്ടില്ല.
ഗ്രൂപ്പ് എ യിൽ ഓരോ ജയവുമായി ബ്രസീലിനും കൊളംബിയക്കും മൂന്ന് പോയന്റ് വീതമുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
