ദുബായ്: ഐസിസി ടെസ്റ്റ് റാങ്കിംഗില് ഇന്ത്യയെ പിന്തള്ളി ന്യൂസിലന്ഡ് ഒന്നാമതെത്തി. ഇംഗ്ലണ്ടിനെതിരായ പരമ്പര സ്വന്തമാക്കിയാണ് കിവീസ് ഒന്നാം സ്ഥാനത്തെത്തിയത്. പരമ്പരയ്ക്ക് മമ്പ് ഇന്ത്യയ്ക്ക് പിന്നിലാണ് 121 പോയിന്റുമായി രണ്ടാമതായിരുന്നു ന്യൂസിലന്ഡ്. നിലവിൽ 123 പോയിന്റാണ് ന്യൂസിലന്ഡിനുള്ളത്.
ഇന്ത്യയ്ക്ക് പിന്നിലായി ഓസ്ട്രേലിയ മൂന്നാമതും ഇംഗ്ലണ്ട് നാലാം സ്ഥാനത്തുമാണ്. ബാറ്റ്സ്മാന്മാരുടെ പട്ടികയില് കിവീസ് നായകന് കെയ്ന് വില്യംസണ് തന്നെയാണ് ഒന്നാം സ്ഥാനത്ത്. സ്റ്റീവ് സ്മിത്താണ് രണ്ടാമത്. ഇന്ത്യന് നായകൻ വിരാട് കോഹ് ലി പട്ടികയിൽ അഞ്ചാമതാണ്. റിഷഭ് പന്ത്, രോഹിത് ശര്മ എന്നിവര് യഥാക്രമം ആറ്, ഏഴ് സ്ഥാനത്താണ്.
ഓസീസ് പേസര് പാറ്റ് കമ്മിന്സ് ആണ് ബൗളര്മാരുടെ പട്ടികയില് ഒന്നാമത്. ഇന്ത്യയുടെ ആര് അശ്വിന് രണ്ടാം സ്ഥാനത്തും ന്യൂസിലന്ഡ് പേസര് ടിം സൗത്തി മൂന്നാമതുമാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ