ന്യൂഡൽഹി: ശ്രീലങ്കൻ പര്യടനത്തിനുള്ള ഇന്ത്യൻ വൈറ്റ്ബോൾ ടീമിൽ സഞ്ജു സാംസൺ ഇടംപിടിക്കുമോ എന്നറിയാനുള്ള ആകാംക്ഷയിലാണ് മലയാളി ആരാധകർ. ഇതിനിടയിൽ സഞ്ജു മൂന്നാമനായി ബാറ്റ് ചെയ്യാൻ ഇറങ്ങും എന്ന പ്രവചനവുമായി എത്തുകയാണ് ഇന്ത്യൻ മുൻ താരം ദീപ്ദാസ് ഗുപ്ത.
ഇന്ത്യൻ മുൻ വിക്കറ്റ് കീപ്പറായ ദീപ്ദാസ് ഗുപ്ത ലങ്കക്കെതിരായ ഇന്ത്യൻ ടീമിലെ വിക്കറ്റ് കീപ്പറായി തെരഞ്ഞെടുക്കുന്നതും സഞ്ജുവിനെയാണ്. ശിഖർ ധവാനും പൃഥ്വിയുമാണ് അദ്ദേഹത്തിന്റെ ഇലവനിലെ ഓപ്പണർമാർ. നാലാമനായി സൂര്യകുമാർ യാദവും പിന്നാലെ മനീഷ് പാണ്ഡേയും ക്രീസിലെത്തും.
ഹർദിക് പാണ്ഡ്യക്കൊപ്പം രാഹുൽ തെവാട്ടിയയെയാണ് അദ്ദേഹം ടീമിൽ ഇടംനേടാൻ പോവുന്ന ഓൾറൗണ്ടറായി പ്രവചിക്കുന്നത്. ഭുവി, ദീപക് ചഹർ, ടി നടരാജൻ എന്നിവരാണ് പേസർമാർ. രാഹുൽ ചഹറാണ് സ്പിന്നർ.
ദീപ്ദാസ് ഗുപ്തയുടെ ടീം: പൃഥ്വി ഷാ, ശിഖർ ധവാൻ, സഞ്ജു സാംസൺ, സൂര്യകുമാർ യാദവ്, മനീഷ് പാണ്ഡേ, ഹർദിക് പാണ്ഡ്യ, രാഹുൽ തെവാട്ടിയ, രാഹുൽ ചഹർ, ദീപക് ചഹർ, ഭുവി, നടരാജൻ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ