ഓവല്‍: നാലാം ടെസ്റ്റില്‍ ടോസ് ഇംഗ്ലണ്ടിന്. ടോസ് നേടിയ ജോ റൂട്ട് ബൗളിങ് തെരഞ്ഞെടുത്തു. ശര്‍ദുല്‍ താക്കൂര്‍, ഉമേഷ് യാദവ് എന്നിവരെ ഉള്‍പ്പെടുത്തിയാണ് ഇന്ത്യ ഓവലില്‍ ഇറങ്ങുന്നത്.
നാലാം ടെസ്റ്റിലും അശ്വിന് പ്ലേയിങ് ഇലവനില്‍ ഇടംനേടാനായില്ല. മുഹമ്മദ് ഷമിയേയും ഇഷാന്ത് ശര്‍മയേയുമാണ് ഇന്ത്യ ഒഴിവാക്കിയത്. ഓവലില്‍ സ്പിന്നര്‍മാര്‍ക്ക് പിന്തുണ ലഭിക്കുമെന്നാണ് വിലയിരുത്തപ്പെടുന്നത്. എന്നാല്‍ മൂടിക്കെട്ടിയ അന്തരീക്ഷം ഇവിടെ ആദ്യ ദിനം പേസര്‍മാരെ തുണച്ചേക്കും.
മൂടിക്കെട്ടിയ അന്തരീക്ഷം മുതലെടുത്ത് തുടക്കത്തിലേ വിക്കറ്റ് വീഴ്ത്തുകയാണ് ലക്ഷ്യമെന്ന് ടോസ് നേടിയ ജോ റൂട്ട് പറഞ്ഞു. ഇംഗ്ലണ്ട് നിരയിലേക്ക് ഒലേ പോപ്പും ക്രിസ് വോക്‌സും തിരിച്ചെത്തി. ഡാന്‍ ലോറന്‍സ്, സാം കറാന്‍ എന്നിവര്‍ നാലാം ടെസ്റ്റ് കളിക്കുന്നില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
