ടോക്യോ: പാരാലിംപിക്സില് ഉജ്ജ്വല മുന്നേറ്റം തുടര്ന്ന് ഇന്ത്യ. ടോക്യോയില് ഇന്ത്യ നാലാം സ്വര്ണം സ്വന്തമാക്കി.
എസ്എല് 3 ബാഡ്മിന്റണ് ഫൈനലില് ഇന്ത്യയുടെ പ്രമോദ് ഭഗതാണ് സ്വര്ണം നേടിയത്. ഇതേ ഇനത്തില് മനോജ് സര്ക്കാര് ഇന്ത്യക്കായി വെങ്കലവും നേടി.
ഫൈനല് പോരാട്ടത്തില് ബ്രിട്ടന്റെ ഡാനിയല് ബേതെലിനെയാണ് പ്രമോദ് കീഴടക്കിയത്. രണ്ട് സെറ്റ് നീണ്ട പോരില് അനായസ വിജയമാണ് ഇന്ത്യന് താരം സ്വന്തമാക്കിയത്. സ്കോര്: 21-14, 21-17.
ജപ്പാന് താരം ഫുജിയാരയെ വീഴ്ത്തിയാണ് മനോജ് വെങ്കലം സ്വന്തമാക്കിയത്. മനോജും രണ്ട് സെറ്റ് പോരാട്ടത്തില് അനായാസ വിജയം സ്വന്തമാക്കിയാണ് വെങ്കലം നേടിയത്. സ്കോര്: 22-20, 21-13.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ