ന്യൂയോർക്ക്: ഇതിഹാസ ബോക്സർ മുഹമ്മദ് അലിയുടെ കൊച്ചുമകൻ നിക്കോ അലി വാൽഷിനു പ്രൊഫഷനൽ അരങ്ങേറ്റത്തിൽ നോക്കൗട്ട് വിജയം. മുത്തച്ഛൻ ഉപയോഗിച്ചിരുന്ന ഷോർട്സ് ധരിച്ചു റിങ്ങിലെത്തിയ താരം ആദ്യ റൗണ്ടിൽതന്നെ എതിരാളിയെ ഇടിച്ചു വീഴ്ത്തി. ഡിൽ‌വെയ്റ്റ് വിഭാഗത്തിൽ ജോർദാൻ വീക്സിനെയാണ് 21കാരനായ നിക്കോ അലി കീഴ്പ്പെടുത്തിയത്.
മുഹമ്മദ് അലിയുടെ പാത പിന്തുടര്‍ന്ന് ബോക്‌സിങ്ങിലേക്ക് എത്തിയ നിക്കോ ഏറ്റവും വലിയ പോരാളിയെന്നാണ് മുത്തച്ഛനെ വിശേഷിപ്പിക്കുന്നത്. അദ്ദേഹത്തെക്കുറിച്ചു ഒരുപാട് ആലോചിക്കാറുണ്ടെന്നും ഒത്തിരി മിസ് ചെയ്യുന്നുണ്ടെന്നും മത്സരം ജയിച്ചശേഷം താരം പറഞ്ഞു. മുഹമ്മദ് അലിയുടെ മകൾ റഷീദയുടെ മകനാണ് നിക്കോ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
