ചെന്നൈ: ഇന്ത്യക്കെതിരായ ടെസ്റ്റ് പരമ്പര ആരംഭിക്കുന്നതിന് തൊട്ടുമുന്‍പ് ഇംഗ്ലണ്ടിന് തിരിച്ചടി. ഓപ്പണര്‍ സാക്ക് ക്രൗലിക്ക് പരിക്കിനെ തുടര്‍ന്ന് ആദ്യ രണ്ട് ടെസ്റ്റുകളും നഷ്ടമായി.
കൈക്കുഴയ്ക്കാണ് ക്രൗലിക്ക് പരിക്കേറ്റത്. ചെപ്പോക്ക് സ്‌റ്റേഡിയത്തില്‍ പരിശീലനത്തിനായി ഡ്രസിങ് റൂമില്‍ നിന്ന് ഗ്രൗണ്ടിലേക്ക് പോവുന്നതിന് ഇടയില്‍ തെന്നിവീണാണ് ക്രൗലിക്ക് പരിക്കേറ്റിരിക്കുന്നത്. സ്‌കാന്‍ റിപ്പോര്‍ട്ടില്‍ വലത് കൈക്കുഴയ്ക്ക് പൊട്ടലുണ്ടെന്ന് വ്യക്തമായി.
ചൊവ്വാഴ്ചയാണ് ക്രൗലിക്ക് വീണ് പരിക്കേറ്റത്. വെള്ളിയാഴ്ചയാണ് ഇന്ത്യ-ഇംഗ്ലണ്ട് ടെസ്റ്റ് പരമ്പരയിലെ ആദ്യ ടെസ്റ്റ്. ക്രൗലിക്ക് പകരം ഓപ്പണിങ്ങിലേക്ക് ആര് എത്തുമെന്ന് ഇംഗ്ലണ്ട് ടീം മാനേജ്‌മെന്റ് വ്യക്തമാക്കിയിട്ടില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
