ബറോഡ: കോവിഡിന്റെ രണ്ടാം വ്യാപനത്തിൽ ജീവൻ നഷ്ടമായവരിൽ പ്രമുഖ രാജ്യാന്തര ബോഡി ബിൽഡറും ഭാരത് ശ്രീ വിജയിയുമായ ജഗദീഷ് ലാഡും. കോവിഡ് ബാധിതനായി സ്വകാര്യ ആശുപത്രിയിൽ ചികിത്സയിലിരിക്കെയാണ് 34കാരനായ ജഗദീഷ് മരിച്ചത്. കഴിഞ്ഞ ഏതാനും ദിവസമായി വെന്റിലേറ്ററിന്റെ സഹായത്തോടെയാണ് ജീവൻ നിലനിർത്തിയിരുന്നത്.
ബറോഡയിൽ ഒരു സ്വകാര്യ ജിമ്മിൽ ജോലി നോക്കവെയാണ് കോവിഡ് പോസിറ്റീവാകുന്നത്. നവി മുംബൈയാണ് ജന്മനാട്. മിസ്റ്റർ ഇന്ത്യ സ്വർണ മെഡൽ ജേതാവാണ്. ലോക ചാമ്പ്യൻഷിപ്പിൽ വെള്ളി മെഡലും സ്വന്തമാക്കിയിട്ടുണ്ട്.
ജഗദീഷിന്റെ വിയോഗം ഇന്ത്യൻ ബോഡി ബിൽഡിങ് മേഖലയ്ക്ക് തീരാനഷ്ടമാണെന്ന് ജഗദീഷിന്റെ സുഹൃത്തും പേഴ്സണൽ ട്രെയ്നറുമായ രാഹുൽ ടർഫേ പറഞ്ഞു. സീനിയർ ബോഡി ബിൽഡിങ് രംഗത്ത് ജഗദീഷിന്റെ സേവനങ്ങൾ വിലമതിക്കാനാവാത്തതാണ് എന്നും അദ്ദേഹം പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ