അഹമ്മദാബാദ്: വിടപറഞ്ഞ ഇന്ത്യയുടെ വാനമ്പാടിക്ക് ആദരാഞ്ജലി അര്‍പ്പിച്ച് ഇന്ത്യന്‍ ക്രിക്കറ്റ് ടീം. വിന്‍ഡിസിനെതിരായ ആദ്യ ഏകദിനം ആരംഭിക്കുന്നതിന് മുന്‍പ് ഒരു മിനിറ്റ് ഇന്ത്യന്‍ ടീം അംഗങ്ങള്‍ മൗനം ആചരിച്ചു.
ലതാ മങ്കേഷ്‌കര്‍ക്ക് ആദരാഞ്ജലി നേര്‍ന്ന് കറുത്ത ആം ബാന്ഡ് ധരിച്ചാണ് ഇന്ത്യ ഇറങ്ങിയത്. ഇന്ത്യന്‍ ക്രിക്കറ്റിനോടുള്ള അടുപ്പം എന്നും ലതാ മങ്കേഷ്‌കര്‍ തുറന്നു പറഞ്ഞിരുന്നു. സച്ചിനായിരുന്നു ലതയുടെ പ്രിയപ്പെട്ട താരം.
കളിയിലേക്ക് വരുമ്പോള്‍ 7 വിക്കറ്റ് നഷ്ടത്തില്‍ 87 റണ്‍സ് എന്ന നിലയിലേക്ക് വിന്ഡിസ് വീണു. ചഹലും വാഷിങ്ടണ്‍ സുന്ദറും പ്രസിദ്ധ് കൃഷ്ണയും ചേര്‍ന്ന് വിന്ഡിസ് ബാറ്റിങ് നിരയെ തകര്‍ത്തിടുക ആയിരുന്നു. ചഹല്‍ മൂന്നും വാഷിങ്ടണ്‍ സുന്ദര്‍ രണ്ടും സിറാജും പ്രസിദ്ധ് കൃഷ്ണയും ഓരോ വിക്കറ്റ് വീതവും വീഴ്ത്തി കഴിഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
