കേപ്ടൗണ്: ലോകത്തിലെ മുന്നിര ബാറ്റ്സ്മാന്മാര് ആരും ബൂമ്രയെ നേരിടാന് ആഗ്രഹിക്കില്ലെന്ന് ഇന്ത്യന് മുന് താരം ഗൗതം ഗംഭീര്. ബൂമ്രയുടെ സാങ്കേതിക തികവിലേക്കും ബുദ്ധിയിലേക്കും ചൂണ്ടിയാണ് ഗംഭീറിന്റെ വാക്കുകള്.
ദിവസത്തില് ഉടനീളം ഇന്നിങ്സില് ഉടനീളം പരമ്പരയില് ഉടനീളം എതിരാളികള്ക്ക് മേല് ഭീഷണി ഉയര്ത്തുകയാണ് ബൂമ്ര. ബൂമ്രയുടെ ബൗളിങ് ലൈന് ബാറ്റ്സ്മാന്മാരെ പരീക്ഷിക്കുന്നു. ലോകത്തിലെ മുന്നിര ബാറ്റ്സ്മാന്മാരോടെല്ലാം ചോദിച്ചാലും ബൂമ്രയെ നേരിടാന് ധൈര്യമില്ലെന്നാവും പറയുക, ഗംഭീര് പറയുന്നു.
സ്റ്റംപുകള്ക്കും വളരെ അരികെ ആയാണ് ബൂമ്ര പന്തെറിയുന്നത്. ഓഫ് സ്റ്റംപ് ആണ് ബൂമ്ര കൂടുതലായും ലക്ഷ്യം വെക്കുന്നത്. അവിടെ വെച്ച് മൂവ്മെന്റ്സ് ലഭിക്കുന്നതോടെ കൂടുതല് എഡ്ജുകള് കണ്ടെത്താനാവുന്നു എന്നും ഗംഭീര് ചൂണ്ടിക്കാണിക്കുന്നു.
കേപ്ടൗണില് സൗത്ത് ആഫ്രിക്കയുടെ ഒന്നാം ഇന്നിങ്സില് ബൂമ്ര അഞ്ച് വിക്കറ്റ് വീഴ്ത്തിയിരുന്നു. രണ്ടാം ഇന്നിങ്സിലും സൗത്ത് ആഫ്രിക്കയെ തകര്ത്ത് ബൂമ്ര ഇന്ത്യയെ ജയത്തിലേക്ക് എത്തിക്കുമെന്നാണ് ആരാധകരുടെ പ്രതീക്ഷ.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ