കൊളംബോ: ഓസ്‌ട്രേലിയക്ക് ഹൃദയം തൊടുന്ന യാത്രയയപ്പ് നല്‍കി ശ്രീലങ്കന്‍ ആരാധകര്‍. മഞ്ഞ കുപ്പായം അണിഞ്ഞും ഓസ്‌ട്രേലിയക്കായി ആര്‍പ്പു വിളിച്ചും ആരാധകര്‍ ഓസ്‌ട്രേലിയന്‍ ടീമിന് നന്ദി പറഞ്ഞു.
അഞ്ച് ഏകദിനങ്ങളുടെ പരമ്പര 3-2ന് ശ്രീലങ്ക സ്വന്തമാക്കി. അവസാന ഏകദിനത്തില്‍ ഓസ്‌ട്രേലിയ നാല് വിക്കറ്റിന്റെ ജയം പിടിച്ചു. കുശാല്‍ മെന്‍ഡിസ് ആണ് പരമ്പരയിലെ താരം. ബാറ്റിങ് തകര്‍ച്ച നേരിട്ട ശ്രീലങ്കയ്ക്ക് തുണയായത് ചമിക കരുണരത്‌നയുടെ 75 റണ്‍സ് ആണ്. 44 ഓവറില്‍ 160 റണ്‍സിന് ലങ്ക ഓള്‍ ഔട്ടായി. ആറ് വിക്കറ്റ് നഷ്ടത്തില്‍ ഓസ്‌ട്രേലിയ വിജയം കണ്ടു.
മത്സരത്തിന് ശേഷം ഓസീസ് താരങ്ങള്‍ ഗ്രൗണ്ടില്‍ വലം വെച്ചും കയ്യടിച്ചും ഓസ്‌ട്രേലിയ, ഓസ്‌ട്രേലിയ എന്ന് വിളിച്ചും ലങ്കന്‍ ആരാധകര്‍ സന്ദര്‍ശകര്‍ക്ക് മറക്കാനാവാത്ത പര്യടനമാക്കി അത് മാറ്റി.
ഓസ്‌ട്രേലിയക്ക് നന്ദി എന്നെഴുതിയ പ്ലക്കാര്‍ഡുകള്‍ പ്രേമദാസ സ്റ്റേഡിയത്തില്‍ ഉയര്‍ന്നു. സാമ്പത്തിക പ്രതിസന്ധി രൂക്ഷമായതിന് പിന്നാലെ സംഘര്‍ഷാവസ്ഥയിലായ ശ്രീലങ്കയിലേക്ക് വരാന്‍ ഓസ്‌ട്രേലിയ തയ്യാറായതിനാണ് ലങ്കന്‍ ആരാധകര്‍ നന്ദി അറിയിക്കുന്നത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ടസ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
