ആന്റിഗ്വ: 37 പന്തില്‍ നിന്ന് സെഞ്ചുറി നേടി നിക്കോളാസ് പൂരന്‍. ട്രിനിഡാഡ് ടി10 ബ്ലാസ്റ്റ് ടൂര്‍ണമെന്റിലാണ് പൂരന്‍ ബാറ്റിങ് വെടിക്കെട്ട് നടത്തിയത്. 10 സിക്‌സും 6 ഫോറുമാണ് വിന്‍ഡിസ് താരത്തിന്റെ ബാറ്റില്‍ നിന്ന് പറന്നത്.
സ്‌കോര്‍ച്ചേഴ്‌സിന് എതിരായ കളിയില്‍ ലെതര്‍ബാക്കിന് മുന്‍പില്‍ ചെയ്‌സ് ചെയ്യാന്‍ എത്തിയത് 128 റണ്‍സ്. 14 റണ്‍സില്‍ നില്‍ക്കെ ലെതര്‍ബാക്കിന്റെ ആദ്യ വിക്കറ്റ് വീണു. വണ്‍ഡൗണ്‍ ആയി എത്തിയ പൂരന്‍ പിന്നാലെ വെടിക്കെട്ട് പുറത്തെടുത്തു.
95 റണ്‍സില്‍ നില്‍ക്കെ സിക്‌സ് പറത്തിയാണ് പൂരന്‍ സെഞ്ചുറി ആഘോഷിച്ചത്. ഒന്‍പതാം ഓവറില്‍ തന്നെ ലെതര്‍ബാക്ക് ജയം പിടിച്ചു. ഇന്ത്യക്കെതിരായ ട്വന്റി20 പരമ്പരയില്‍ വിന്‍ഡിസ് 3-0ന് നാണംകെട്ടെങ്കിലും പൂരന്‍ കയ്യടി നേടിയിരുന്നു. മൂന്ന് ട്വന്റി20യിലും പൂരന്‍ അര്‍ധ ശതകം കണ്ടെത്തി.
ഇപ്പോള്‍ ടി10 ബ്ലാസ്റ്റില്‍ താരം സെഞ്ചുറി കണ്ടെത്തുകയും ചെയ്തതോടെ സണ്‍റൈസേഴ്‌സ് ആരാധകര്‍ ഐപിഎല്ലിനായി കാത്തിരിക്കുകയാണ്. 10.75 കോടി രൂപയ്ക്കാണ് ഹൈദരാബാദ് പൂരനെ സീസണില്‍ സ്വന്തമാക്കിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
