രാജ്‌കോട്ട്: 36ാമത് ദേശീയ ഗെയിംസില്‍ മൂന്നാം സ്വര്‍ണം നീന്തിയെടുത്ത് കേരളത്തിന്റെ സജന്‍ പ്രകാശ്. വ്യാഴാഴ്ച നടന്ന പുരുഷന്‍മാരുടെ 50 മീറ്റര്‍ ബീസ്റ്റ് സ്‌ട്രോക്കിലാണ് സജന്‍ സ്വര്‍ണം നേടിയത്. 25.10 സെക്കന്‍ഡിലായിരുന്നു താരത്തിന്റെ ഫിനിഷിങ്. തമിഴ്‌നാടിന്റെ രോഹിത് ബെനിട്ടണാണ് വെള്ളി. ഹരിയാനയുടെ സരോഹ ഹാര്‍ഷ് വെങ്കലം കരസ്ഥമാക്കി.
ഗെയിംസില്‍ സജന്റെ മൂന്നാം സ്വര്‍ണവും ആറാം മെഡലുമാണിത്. വ്യാഴാഴ്ച നടന്ന 800 മീറ്റര്‍ ഫ്രീസ്റ്റൈല്‍ നീന്തലില്‍ സാജന്‍ പ്രകാശ് വെങ്കലം നേടിയിരുന്നു. 8:12.55 സെക്കന്‍ഡിലാണ് താരം ഫിനിഷ് ചെയ്തത്.
നേരത്തെ 200, 100 മീറ്റര്‍ ബട്ടര്‍ഫ്ളൈ സ്ട്രോക്കിലും സജന്‍ സ്വര്‍ണം നേടിയിരുന്നു. പുരുഷന്‍മാരുടെ 400 മീറ്റര്‍ വ്യക്തിഗത മെഡ്‌ലെയില്‍ വെള്ളി നേടിയ സാജന്‍, 200 മീറ്റര്‍ ഫ്രീസ്റ്റൈലിലും വെള്ളി മെഡല്‍ സ്വന്തമാക്കിയിരുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
