ലഖ്നൗ: ഐപിഎല്ലിലെ ഇന്നത്തെ ആദ്യ മത്സരത്തിൽ മികച്ച പ്രകടനങ്ങളുമായി മുന്നേറുന്ന ലഖ്നൗ സൂപ്പർ ജയ്ന്റ്സ് സ്വന്തം തട്ടകത്തിൽ നിലവിലെ ചാമ്പ്യൻമാരായ ഗുജറാത്ത് ടൈറ്റൻസിനെ നേരിടും. ഗുജറാത്തും വിജയ വഴിയിൽ തിരിച്ചെത്താനുള്ള ഒരുക്കത്തിലാണ്.
ഇപ്പോഴിതാ ഗുജറാത്ത് നായകൻ ഹർദിക് പാണ്ഡ്യയെ പ്രശംസിച്ച് രംഗത്തെത്തിയിരിക്കുകാണ് മുൻ ഇംഗ്ലണ്ട് ക്യാപ്റ്റനും നിലവിൽ ഇംഗ്ലണ്ടിന്റെ അസിസ്റ്റന്റ് കോച്ചുമായ പോൾ കോളിങ്‌വുഡ്. റോക്ക് സ്റ്റാറും എന്റർടൈനറുമാണ് ഹർദിക്കെന്ന് കോളിങ്‌വുഡ് പറയുന്നു.
'ഹർദിക് പാണ്ഡ്യ റോക്ക് സ്റ്റാറാണ്. ഏറ്റവും എന്റർടൈനറായ താരം. ടീമിനെ അയാൾ മുന്നിൽ നിന്നു നയിക്കുന്നു. ഇന്ത്യക്കെതിരെ കളിച്ചപ്പോൾ ഇംഗ്ലണ്ട് കോച്ചെന്ന നിലയിൽ അദ്ദേഹം എനിക്ക് വലിയ തലവേദനയാണ് ഉണ്ടാക്കിയത്. സ്വന്തം പ്രകടനം കൊണ്ട് കളിയുടെ ഗതി തന്നെ മാറ്റാൻ കഴിയുന്ന താരമാണ് ഹർദിക്. ഏത് എതിരാളികൾക്കും കടുത്ത ഭീഷണിയാണ് അദ്ദേഹം'- കോളിങ്‌വുഡ് വ്യക്തമാക്കി.
ആറ് കളിയിൽ നിന്ന് നാല് ജയവും രണ്ട് തോൽവിയുമായി ലഖ്നൗ മൂന്നാം സ്ഥാനത്താണ്. അഞ്ച് കളികളിൽ നിന്ന് മൂന്ന് ജയവും രണ്ട് തോൽവിയുമുള്ള ഗുജറാത്ത് നാലാം സ്ഥാനത്തും നിൽക്കുന്നു.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
