മാഡ്രിഡ്: 2023 സീസണിലെ മികച്ച ടെന്നീസ് താരത്തിനുള്ള സ്റ്റെഫാന് എഡ്ബര്ഗ് സ്പോര്ട്സ്മാന്ഷിപ്പ് പുരസ്കാരം സ്പാനിഷ് യുവ വിസ്മയം കാര്ലോസ് അല്ക്കരാസിന്. ഇറ്റാലിയന് താരം യാന്നിക് സിന്നര്, പോളണ്ടിന്റെ ഹ്യുബര്ട് ഹര്കാക്സ് എന്നിവരെ പിന്തള്ളിയാണ് അല്ക്കരാസിന്റെ നേട്ടം.
ഈ പുരസ്കാരം സ്വന്തമാക്കുന്ന നാലാമത്തെ സ്പാനിഷ് താരമായി അല്ക്കരാസ് മാറി. ജോസ് ഹിഗ്വേഴ്സ്, അലക്സ് കൊര്ടേജ, റാഫേല് നദാല് എന്നിവരാണ് നേരത്തെ ഈ പുരസ്കാരം സ്വന്തമാക്കിയത്. നദാല് അഞ്ച് തവണയാണ് ഈ പുരസ്കാരം സ്വന്തമാക്കിയിട്ടുള്ളത്. 2010, 18, 19, 20, 21 വര്ഷങ്ങളിലാണ് സ്പാനിഷ് ഇതിഹാസത്തിന്റെ നേട്ടം.
സീസണില് മികവും സ്ഥിരതയും പുലര്ത്തുന്ന താരങ്ങളെയാണ് പുരസ്കാരത്തിനായി പരിഗണിക്കുന്നത്. 2023ല് ആറ് കിരീട നേട്ടങ്ങളാണ് അല്ക്കരാസിന്റെ അക്കൗണ്ടിലുള്ളത്. സെര്ബിയന് ഇതിഹാസം നൊവാക് ജോക്കോവിചിനെ അട്ടിമറിച്ച് ഈ സീസണില് വിംബിള്ഡണ് കിരീടവും അല്ക്കരാസ് സ്വന്തമാക്കിയിരുന്നു. പിന്നാലെ ലോക ഒന്നാം നമ്പര് പദവിയും താരത്തിനു സ്വന്തമായി.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്കോ. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ