ദുബൈ: ഐപിഎല് ലേലത്തിന്റെ ആദ്യ ഘട്ടത്തില് ആരും വാങ്ങാതിരുന്ന താരങ്ങള്ക്ക് അവസാന ഘട്ടത്തില് ലോട്ടറി. റിലി റൂസോ, ലോക്കി ഫെര്ഗൂസന്, മനിഷ് പാണ്ഡെ എന്നിവരെ ടീമുകള് അവസാനം ഘട്ടത്തില് ടീമിലെത്തിച്ചു.
അതേസമയം മുന് ഓസ്ട്രേലിയന് നായകന് സ്റ്റീവ് സ്മിത്തിനെ ആരും വിളിച്ചെടുത്തില്ല. കരുണ് നായര്ക്കും നിരാശ.
ആദ്യ ഘട്ടത്തില് ആരും വാങ്ങാതിരുന്ന ദക്ഷിണാഫ്രിക്കന് താരം റിലി റൂസോയെ എട്ട് കോടിക്ക് പഞ്ചാബ് കിങ്സ് ടീമിലെത്തിച്ചു. താരത്തിനായി ഡല്ഹിയും രംഗത്തിറങ്ങിയതോടെയാണ് തുക ഉയര്ന്നത്.
ന്യൂസിലന്ഡ് താരം ലോക്കി ഫെര്ഗൂസനെ രണ്ട് കോടി രൂപയ്ക്ക് റോയല് ചലഞ്ചേഴ്സ് ബാംഗ്ലൂര് ടീമിലെത്തിച്ചു. മനിഷ് പാണ്ഡെയെ കൊല്ക്കത്ത നൈറ്റ്റൈഡേഴ്സ് വീണ്ടും ടീമിലെടുത്തു. താരം 50 ലക്ഷത്തിനാണ് പഴയ തട്ടകത്തില് മടങ്ങിയെത്തിയത്.
വെസ്റ്റ് ഇന്ഡീസ് ക്യാപ്റ്റന് ഷായ് ഹോപ് ഡല്ഹി ക്യാപിറ്റല്സിലേക്ക് എത്തി. 75 ലക്ഷത്തിനാണ് താരം ആദ്യമായി ഐപിഎല് കളിക്കാനെത്തുന്നത്. ഇംഗ്ലണ്ട് താരം ഗസ് അറ്റ്കിന്സനെ ഒരു കോടിയ്ക്ക് കൊല്ക്കത്ത ടീമിലെത്തിച്ചു.
അഫ്ഗാന് താരം മുഹമ്മദ് നബിയെ 1.5 കോടിയ്ക്ക് മുംബൈ ഇന്ത്യന്സ് ടീമിലെത്തിച്ചു. അഫ്ഗാനിസ്ഥാന് മിസ്ട്രി സ്പിന്നര് മുജീബ് റഹ്മാനെ കൊല്ക്കത്ത രണ്ട് കോടിക്ക് സ്വന്തമാക്കി.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ