മെല്‍ബണ്‍: ഓസ്‌ട്രേലിയക്കെതിരായ രണ്ടാം ക്രിക്കറ്റ് ടെസ്റ്റിനുള്ള ടീമില്‍ നിന്നു വെറ്ററന്‍ കീപ്പര്‍ സര്‍ഫറാസ് അഹമ്മദിനെ ഒഴിവാക്കി. മുഹമ്മദ് റിസ്വാനെ പാകിസ്ഥാന്‍ തിരിച്ചു വിളിച്ചു.
ബോക്‌സിങ് ഡേ പോരിനായി 12 അംഗ ടീമിനെയാണ് പാകിസ്ഥാന്‍ പ്രഖ്യാപിച്ചത്. ഓസ്‌ട്രേലിയ ആദ്യ പോരിലെ ഇലവനെ തന്നെ നിലനിര്‍ത്തി.
ആദ്യ ടെസ്റ്റില്‍ കനത്ത തോല്‍വിയാണ് പാകിസ്ഥാന്‍ ഏറ്റുവാങ്ങിയത്. രണ്ടാം ഇന്നിങ്‌സില്‍ വെറും 89 റണ്‍സിനു പുറത്തായ പാകിസ്ഥാന്‍ 360 റണ്‍സിന്റെ ഭീമന്‍ തോല്‍വിയാണ് നേരിട്ടത്.
ആദ്യ മത്സരങ്ങളില്‍ രണ്ടിന്നിങ്‌സിലും സര്‍ഫറാസ് അഹമ്മദ് ബാറ്റിങില്‍ പരാജയമായിരുന്നു. സര്‍ഫറാസിനു ആവശ്യത്തിനു വിശ്രമിക്കാനും ടീമിലേക്ക് തിരിച്ചെത്താനുള്ള അവസരം ഒരുക്കുന്നതിനാല്‍ താരത്തിനു വിശ്രമം അനുവദിച്ചതായി പാക് ടീം വ്യക്തമാക്കി.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
