മെല്‍ബണ്‍: ഓസ്‌ട്രേലിയയും പാകിസ്ഥാനും തമ്മിലുള്ള ബോക്‌സിങ് ഡേ ടെസ്റ്റില്‍ മഴ. മഴയെ തുടര്‍ന്നു കളി നിര്‍ത്തി. ടോസ് നേടി പാകിസ്ഥാന്‍ ബൗളിങ് തിരഞ്ഞെടുക്കുകയായിരുന്നു.
നിലവില്‍ ഓസീസ് രണ്ട് വിക്കറ്റ് നഷ്ടത്തില്‍ 114 റണ്‍സെന്ന നിലയിലാണ്. ഓപ്പണര്‍മാരായ ഡേവിഡ് വാര്‍ണര്‍ (38), ഉസ്മാന്‍ ഖവാജ (42) എന്നിവരാണ് പുറത്തായത്. ഇരുവരും ചേര്‍ന്നു ഓപ്പണിങില്‍ 90 റണ്‍സ് ചേര്‍ത്താണ് പിരിഞ്ഞത്.
കളി നിര്‍ത്തി വയ്ക്കുമ്പോള്‍ 14 റണ്‍സുമായി മര്‍നസ് ലബുഷെയ്‌നും 2 റണ്‍സുമായി സ്റ്റീവ് സ്മിത്തുമാണ് ക്രീസില്‍. വീണ രണ്ട് വിക്കറ്റുകള്‍ ഹസന്‍ അലി, ആഘ സല്‍മാന്‍ എന്നിവര്‍ നേടി.
നേരത്തെ ആദ്യ ടെസ്റ്റില്‍ വമ്പന്‍ ജയം നേടിയ ഓസ്‌ട്രേലിയ പരമ്പരയില്‍ മുന്നിലാണ്. മൂന്ന് മത്സരങ്ങളാണ് പരമ്പരയില്‍.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
