മെല്ബണ്: ക്രിക്കറ്റ് മൈതാനം എല്ലായ്പ്പോഴും കളിയുടേതു മാത്രമല്ല ചില എന്റര്ടൈന്മെന്റുകള് കൂടി കളിക്കിടയില് സൃഷ്ടിക്കപ്പെടുന്ന വേദികളാണ്. ടെസ്റ്റ്, ഏകദിനം, ടി20 എന്ന വ്യത്യാസമൊന്നുമില്ല. പലപ്പോഴും കാണികളും കളിക്കാരുമായിരിക്കും ഈ നേരമ്പോക്കിലെ ആളുകള്. അത്തരമൊരു രസകരമായ സംഭവമാണ് ഇപ്പോള് സോഷ്യല് മീഡിയയില് വൈറലായത്.
ഓസ്ട്രേലിയയും പാകിസ്ഥാനും തമ്മിലുള്ള ബോക്സിങ് ഡേ ടെസ്റ്റ് വിഖ്യാത സ്റ്റേഡിയമായ മെല്ബണില് അരങ്ങേറുന്നു. അതിനിടെ പാക് താരം ഹസന് അലി ബൗണ്ടറി ലൈനിനരികെ നിന്നു ഡാന്സ് കളിച്ചതും തൊട്ടു പിന്നില് സ്റ്റേഡിയത്തില് കാണികള് അതിനൊപ്പം തന്നെ താരത്തെ അനുകരിച്ചു ഡാന്സ് കളിച്ചതുമായി ശ്രദ്ധേയമായത്.
കുറച്ചു സെക്കന്ഡുകള് മാത്രമാണ് ഈയൊരു സംഭവം നടന്നതെങ്കിലും ആരാധകരുടെ ഹൃദയം കീഴടക്കിയ രംഗമായി ഇതു മാറി. വീഡിയോ മനോഹരമായ കാഴ്ചയാണ് ആരാധകര്ക്ക് സമ്മാനിച്ചത്.
രണ്ടാം പോരാട്ടം ആവേശകരമായ അന്ത്യത്തിലേക്ക് നീങ്ങുകയാണ്. രണ്ടാം ഇന്നിങ്സില് തുടക്കം തകര്ന്ന ഓസീസ് നിലവില് പൊരുതാവുന്ന ലീഡിലേക്ക് എത്തിയിട്ടുണ്ട്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ