കേപ് ടൗണ്: ദക്ഷിണാഫ്രിക്കക്കെതിരായ ഒന്നാം ടെസ്റ്റില് ഇന്നിങ്സ് പരാജയം ഏറ്റുവാങ്ങിയ ഇന്ത്യക്ക് പുതിയ ആശങ്ക. രണ്ടാം ടെസ്റ്റിനായുള്ള ഒരുക്കത്തിനിടെ ഓള്റൗണ്ടര് ശാര്ദുല് ഠാക്കൂറിനു പരിക്കേറ്റു.
ബാറ്റിങ് പരിശീലനത്തിനിടെ കോച്ച് വിക്രം റാത്തോഡ് എറിഞ്ഞ ത്രോഡൗണ് തോളില് കൊണ്ടാണ് ശാര്ദുലിനു പരിക്കേറ്റത്. വേദനകൊണ്ടു പുളഞ്ഞെങ്കിലും താരം ബാറ്റിങ് പരിശീലനം തുടര്ന്നു. അതിനിടെ ഫിസിയോ എത്തി അദ്ദേഹത്തെ പരിശോധിച്ചു.
താരത്തെ സ്കാനിങിനു വിധേയനാക്കി വിശദമായ പരിശോധനകള് നടത്തും. ജനുവരി മൂന്നിനാണ് രണ്ടാം ടെസ്റ്റ് ആരംഭിക്കുന്നത്. അതിനു മുന്പ് ശാര്ദുല് ആരോഗ്യം വീണ്ടെടുക്കുമെന്നാണ് പ്രതീക്ഷിക്കുന്നത്.
ഒന്നാം ടെസ്റ്റില് കാര്യമായി തിളങ്ങാന് ശാര്ദുല് ഠാക്കൂറിനു സാധിച്ചിരുന്നില്ല. അതേസമയം മുഹമ്മദ് ഷമി പരിക്കേറ്റ് പുറത്തായതും അരങ്ങേറ്റക്കാരന് പ്രസിദ്ധ് കൃഷ്ണ തിളങ്ങാതെ പോയതും ഇന്ത്യക്ക് തീര്ത്ത വിടവ് ചെറുതല്ല. അതിനിടെയാണ് ശാര്ദുല് ഇപ്പോള് പരിക്കിന്റെ ഭീഷണിയില് നില്ക്കുന്നത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ