ന്യൂഡല്‍ഹി: ബാഡ്മിന്റണ്‍ ഡബിള്‍സ് റാങ്കിങില്‍ രണ്ടാം സ്ഥാനത്തേക്ക് ഉയര്‍ന്നു ഇന്ത്യയുടെ പുരുഷ ഡബിള്‍സ് സൂപ്പര്‍ സഖ്യം സാത്വിക് സായ്‌രാജ് റാന്‍കി റെഡ്ഡി- ചിരാഗ് ഷെട്ടി സഖ്യം. കരിയറില്‍ ഇതാദ്യമായാണ് സഖ്യം റാങ്കിങില്‍ ഇത്രയും മികച്ച സ്ഥാനത്തെത്തുന്നത്.
കൊറിയ ഓപ്പണ്‍ ഡബിള്‍സ് കിരീടത്തില്‍ മുത്തമിട്ടതാണ് ഇന്ത്യന്‍ സഖ്യത്തിന്റെ മുന്നേറ്റത്തിന്റെ അടിസ്ഥാനം. രണ്ടാം റാങ്കിലുണ്ടായിരുന്ന ചൈനയുടെ ലിയാങ് വി കെങ്- വാങ് ചാങ് സഖ്യത്തെയാണ് ഇരുവരും പിന്തള്ളിയത്. കൊറിയ ഓപ്പണ്‍ സെമിയില്‍ ചൈനീസ് സഖ്യത്തെ വീഴ്ത്തിയാണ് ഇന്ത്യന്‍ സഖ്യം ഫൈനലിലേക്ക് മുന്നേറിയത്.
ഈ വര്‍ഷം ഇതടക്കം മറ്റ് രണ്ട് കിരീട നേട്ടങ്ങളും സഖ്യത്തിനു സ്വന്തമാണ്. ഈ വര്‍ഷം സ്വിസ് ഓപ്പണ്‍, ഇന്തോനേഷ്യന്‍ ഓപ്പണ്‍ കിരീടങ്ങളും ഇന്ത്യന്‍ സഖ്യം സ്വന്തമാക്കിയിരുന്നു.
സമകാലിക മലയാളം ഇപ്പോള്‍ വാട്സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
