ഹമ്പന്‍ടോട്ട: ശ്രീലങ്കക്കായി ഏകദിനത്തില്‍ അരങ്ങേറ്റം കുറിച്ചു പേസര്‍ മതീഷ പതിരന. ഐപിഎല്ലില്‍ ചെന്നൈ സൂപ്പര്‍ കിങ്‌സിനായി മിന്നും ഫോമില്‍ പന്തെറിഞ്ഞതിന് പിന്നാലെയാണ് താരത്തിനെ അഫ്ഗാനിസ്ഥാനെതിരായ ഏകദിന പരമ്പരയ്ക്കുള്ള ടീമിലേക്ക് ശ്രീലങ്ക പരിഗണിച്ചത്.
നടന്നു കൊണ്ടിരിക്കുന്ന ഒന്നാം ഏകദിന പോരാട്ടത്തിനുള്ള ലങ്കന്‍ ഇലവനില്‍ താരം ഇടംപിടിച്ചു. മൂന്ന് മത്സരങ്ങളടങ്ങിയ പരമ്പരയിലെ ആദ്യ മത്സരം ഹമ്പന്‍ടോട്ടയില്‍ പുരോഗമിക്കുന്നു. ശ്രീലങ്ക ആദ്യം ബാറ്റ് ചെയ്യുകയാണ്.
ഐപിഎല്ലില്‍ ധോനിയുടെ ക്യാപ്റ്റന്‍സിയില്‍ താരത്തിന്റെ പേസ് തേച്ചുമിനുക്കപ്പെട്ടു. ഐപിഎല്ലിന് മുന്‍പ് അരങ്ങേറിയ ന്യൂസിലന്‍ഡിനെതിരായ ഏകദിന, ടി20 പരമ്പരയ്ക്കുള്ള ടീമില്‍ താരം സ്ഥാനം നേടിയെങ്കിലും ഒറ്റ കളി പോലും കളിക്കാന്‍ കഴിഞ്ഞില്ല. ലങ്കന്‍ ടീമിനായി ടി20യില്‍ താരം അരങ്ങേറ്റം നടത്തിയിട്ടുണ്ട്. ഒരു മത്സരം മാത്രമാണ് കളിച്ചത്.
പിന്നാലെയാണ് ഐപിഎല്ലിനെത്തിയത്. ആദ്യ മത്സരം മുതല്‍ പതിരനയ്ക്ക് ധോനി ടീമില്‍ അവസരം നല്‍കിയതോടെ താരത്തിന്റെ പേസ് ബൗളിങും കരുത്തുറ്റതായി. ചെന്നൈ ടീമിന്റെ അഞ്ചാം ഐപിഎല്‍ കിരീട നേട്ടത്തില്‍ 20കാരന് ചെറുതല്ലാത്ത പങ്കുണ്ട്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
