ന്യൂഡൽഹി: ഈ വർഷം നടക്കുന്ന ഏകദിന ലോകകപ്പും ഏഷ്യാ കപ്പ് ക്രിക്കറ്റ് പോരാട്ടവും ആരാധകർക്ക് സൗജന്യമായി കാണാൻ അവസരമൊരുക്കി ഹോട്സ്റ്റാർ. ജിയോ സിനിമ ലോകകപ്പ് ഫുട്ബോളും പിന്നാലെ ഐപിഎല്ലും സൗജന്യമായി ആരാധകരിൽ എത്തിച്ചിരുന്നു. സമാന നീക്കമാണ് ഹോട്സ്റ്റാറും ഇപ്പോൾ നടത്തുന്നത്. മൊബൈൽ ഉപഭോക്താക്കൾക്ക് ഹോട്സ്റ്റാറിലൂടെ രണ്ട് പോരാട്ടങ്ങളും സൗജന്യമായി കാണാം.
എല്ലാവർക്കും തല്യത ലഭിക്കണമെന്നും ക്രിക്കറ്റ് കൂടുതൽ ആളുകളിലേക്ക് എത്തിക്കുന്നതിനും വേണ്ടിയാണ് ലൈവ് സ്ട്രീമിങ് സൗജന്യമാക്കുന്നതെന്ന് ഹോട്സ്റ്റാർ വ്യക്തമാക്കി. കൂടുതൽ പേരിലേക്ക് തങ്ങളുടെ മൊബൈൽ ആപ്പ് എത്തിക്കാനുള്ള നീക്കവും കമ്പനി ഈ നീക്കത്തിലൂടെ ലക്ഷ്യമിടുന്നു.
ഇന്ത്യയാണ് ലോകകപ്പിന്റെ ആതിഥേയർ. ഏഷ്യാ കപ്പ് പാകിസ്ഥാനിലുമാണ് നടക്കേണ്ടത്. എന്നാൽ ഇന്ത്യ പാക് മണ്ണിൽ കളിക്കാൻ വരില്ലെന്ന് വ്യക്തമാക്കിയതോടെ അവരുടെ ആതിഥേയത്വം സംശയത്തിൽ നിൽക്കുകയാണ്. സെപ്റ്റംബറിലാണ് ഏഷ്യാ കപ്പ്. ഓക്ടോബർ- നവംബർ മാസങ്ങളിലായാണ് ഇന്ത്യയിൽ ഏകദിന ലോകകപ്പ് അരങ്ങേറുന്നത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ