സൂറിച്ച്: ഏറ്റവും പുതിയ ഫിഫ റാങ്കിങില് മികച്ച നേട്ടം സ്വന്തമാക്കി ഇന്ത്യ. ഏറ്റവും പുതിയ പട്ടികയില് ഇന്ത്യ 100ാം സ്ഥാനത്തെത്തി. ഒരു സ്ഥാനം മെച്ചപ്പെടുത്തിയാണ് ഇന്ത്യയുടെ മുന്നേറ്റം.
സാഫ് ചാമ്പ്യന്ഷിപ്പില് സെമി ഉറപ്പിച്ചതിനു പിന്നാലെയാണ് ഇന്ത്യ റാങ്കിങില് മുന്നേറിയത്. നേരത്തെ 101ാം സ്ഥാനത്തായിരുന്നു ഇന്ത്യ. ഇന്റർ കോണ്ടിനെന്റൽ കപ്പിൽ മുത്തമിട്ടതടക്കമുള്ള നേട്ടങ്ങളും റാങ്കിങിലെ മുന്നേറ്റത്തിൽ നിർണായകമായി. ഫൈനലിൽ ലെബനാനെ വീഴ്ത്തിയാണ് ഇന്ത്യ കിരീടം സ്വന്തമാക്കിയത്.
അഞ്ച് വര്ഷത്തെ ഇടവേളയ്ക്ക് ശേഷമാണ് ഇന്ത്യ വീണ്ടും 100ല് എത്തുന്നത്. നേരത്തെ 2018 മാര്ച്ച് 15ന് പ്രസിദ്ധീകരിച്ച പട്ടികയില് 99ാം സ്ഥാനത്തെത്തിയിരുന്നു.
ലോക ജേതാക്കളായ അര്ജന്റീനയാണ് ഒന്നാം സ്ഥാനത്ത്. റണ്ണേഴ്സ് അപ്പായ ഫ്രാന്സ് രണ്ടാം സ്ഥാനത്തും ബ്രസീല് മൂന്നാമതും നില്ക്കുന്നു. നാലാം സ്ഥാനം ഇംഗ്ലണ്ടിന്.
ബെല്ജിയം അഞ്ചും ക്രോയേഷ്യ ആറും ഹോളണ്ട് ഏഴും ഇറ്റലി എട്ടും സ്ഥാനത്ത്. ഒന്പതാം സ്ഥാനത്ത് പോര്ച്ചുഗലാണ്. നാഷന്സ് ലീഗ് ജേതാക്കളായ സ്പെയിന് പത്താം സ്ഥാനത്ത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ