കൊല്‍ക്കത്ത: ഐപിഎല്ലിന്റെ പുതിയ സീസണില്‍ കൊല്‍ക്കത്ത നൈറ്റ്‌റൈഡേഴ്‌സിനെ നിതീഷ് റാണ നയിക്കും. ക്യാപ്റ്റന്‍ ശ്രേയസ് അയ്യര്‍ പരിക്കേറ്റ് പുറത്തായതിനാലാണ് ഇത്തവണ നിതീഷിന്റെ ക്യാപ്റ്റന്‍സിയില്‍ ടീം കൡക്കാനിറങ്ങുന്നത്.
ശ്രേയസിന്റെ അഭാവത്തില്‍ നിതീഷിനെയോ സുനില്‍ നരെയ്‌നയോയാണ് പകരക്കാരായി പരിഗണിച്ചത്. ഒടുവില്‍ നറുക്ക് നിതീഷിന് വീഴുകയായിരുന്നു.
ഡല്‍ഹി ടീമിനെ നേരത്തെ സയ്യിദ് മുഷ്താഖ് അലി ട്രോഫി ടി20 പോരാട്ടത്തില്‍ നയിച്ച പരിചയം നിതീഷിനുണ്ട്. 2018ലാണ് നിതീഷ് കൊല്‍ക്കത്ത നൈറ്റ്‌റൈഡേഴ്‌സിലെത്തുന്നത്.
ടീമിനായി 74 മത്സരങ്ങളാണ് താരം ഇതുവരെ കളിച്ചത്. 1744 റണ്‍സ് സ്വന്തമാക്കി. സ്‌ട്രൈക്ക് റേറ്റ് 135.61. കഴിഞ്ഞ സീസണില്‍ ശ്രേയസ് കഴിഞ്ഞാല്‍ കൊല്‍ക്കത്തയ്ക്കായി ഏറ്റവും കൂടുതല്‍ റണ്‍സെടുത്ത താരവും നിതീഷാണ്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
