മിലാന്‍: ഇറ്റാലിയന്‍ വമ്പന്‍മാരായ യുവന്റസിന്റെ ഫ്രഞ്ച് മധ്യനിര താരം പോള്‍ പോഗ്ബയ്ക്ക് സസ്‌പെന്‍ഷന്‍. ഉത്തേജക മരുന്നു പരിശോധനയില്‍ ഫലം പോസിറ്റീവായതോടെയാണ് താരത്തെ സസ്‌പെന്‍ഡ് ചെയ്തത്. ഇറ്റലിയിലെ ദേശീയ ഉത്തേജക വിരുദ്ധ ട്രൈബ്യൂണലാണ് നടപടിയെടുത്തത്.
ഇറ്റാലിയന്‍ സീരി സീസണിലെ ആദ്യ പോരില്‍ യുവന്റസ് ഉദിനീസയെ നേരിട്ടിരുന്നു. 3-0ത്തിനു യുവന്റസ് ജയിച്ച മത്സരത്തിനു പിന്നാലെയാണ് പരിശോധന നടന്നത്. താരത്തിന്റെ സാംപിളില്‍ ടെസ്റ്റോസ്റ്റിറോണിന്റെ അംശങ്ങള്‍ കണ്ടെത്തിയതോടെയാണ് നടപടി.
മത്സരത്തില്‍ യുവന്റസിനായി താരം കളിച്ചിരുന്നില്ല. താരത്തെ പ്രാഥമികമായി സസ്‌പെന്‍ഡ് ചെയ്ത കാര്യം യുവന്റസ് സ്ഥിരീകരിച്ചു. തുടര്‍ നടപടികള്‍ പരിശോധനുമായി ബന്ധപ്പെട്ട കാര്യങ്ങള്‍ വിശദമായി പരിശോധിച്ച ശേഷം എടുക്കുമെന്നു ക്ലബ് വ്യക്തമാക്കി.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
