മൊഹാലി: ഓസ്‌ട്രേലിയക്കെതിരായ ഏകദിന പരമ്പരയ്ക്കുള്ള ഇന്ത്യന്‍ ടീമില്‍ ആര്‍ അശ്വിനും. നീണ്ട ഒന്നര വര്‍ഷത്തെ ഇടവേളയ്ക്ക് ശേഷമാണ് വെറ്ററന്‍ താരം ഇന്ത്യക്കായി ഏകദിനം കളിക്കുന്നത്.
മത്സരത്തില്‍ ആദ്യം ബാറ്റ് ചെയ്യുന്ന ഓസ്‌ട്രേലിയ പൊരുതുന്നു. ഓപ്പണര്‍ ഡേവിഡ് വാര്‍ണര്‍ അര്‍ധ സെഞ്ച്വറി നേടി. സ്മിത്തിനെ കൂട്ടുപിടിച്ച് വാര്‍ണര്‍ പോരാട്ടം നയിച്ചു.
18 ഓവര്‍ പിന്നിടുമ്പോള്‍ ഓസീസ് രണ്ട് വിക്കറ്റ് നഷ്ടത്തില്‍ 101 റണ്‍സെന്ന നിലയിലാണ്. 52 റണ്‍സുമായി വാര്‍ണറും നാല് റണ്‍സുമായി മിച്ചല്‍ മാര്‍ഷുമാണ് മടങ്ങിയത്. 38 റണ്‍സുമായി സ്മിത്തും രണ്ട് റണ്‍സുമായി മര്‍നസ് ലെബുഷെയ്‌നുമാണ് ക്രീസില്‍.
ടോസ് നേടി ഇന്ത്യ ബൗളിങ് തിരഞ്ഞെടുക്കുകയായിരുന്നു. ഒന്നാം ഓവറിലെ നാലാം പന്തില്‍ തന്നെ മിച്ചല്‍ മാര്‍ഷിനെ മടക്കി മുഹമ്മദ് ഷമി ഓസീസീനെ ഞെട്ടിച്ചു. പിന്നീടാണ് സ്മിത്ത് വാര്‍ണര്‍ സഖ്യം അര്‍ധ സെഞ്ച്വറി കൂട്ടുകെട്ടുമായി ബാറ്റിങ് തുടര്‍ന്നത്. വാര്‍ണറെ മടക്കി ജഡേജയാണ് കൂട്ടുകെട്ടു പൊളിച്ചത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
