ഹാങ്ചൗ: ഏഷ്യന്‍ ഗെയിംസ് പുരുഷ ഹോക്കിയില്‍ വീണ്ടും ഗോള്‍ മഴ പെയ്യിച്ച് ഇന്ത്യ. രണ്ടാം മത്സരത്തിലും ടീം എതിരാളിയുടെ ബോക്‌സില്‍ 16 ഗോളുകള്‍ അടിച്ചു കൂട്ടി. ഒന്നിനെതിരെ 16 ഗോളുകള്‍ക്ക് ഇന്ത്യ ഇത്തവണ സിംഗപ്പുരിനെയാണ് വീഴ്ത്തിയത്.
ആദ്യ മത്സരത്തില്‍ ഇന്ത്യ ഉസ്‌ബെക്കിസ്ഥാനെതിരെയും 16 ഗോളുകള്‍ അടിച്ചിരുന്നു. ഒരു ഗോളും അന്നു വഴങ്ങിയില്ല. ഇത്തവണ ഒരു ഗോള്‍ വഴങ്ങിയെന്നതു മാത്രമാണ് വ്യത്യാസം. വെറും രണ്ട് കളിയില്‍ നിന്നു ഇന്ത്യ അടിച്ചത് 32 ഗോളുകള്‍!
ഹര്‍മന്‍പ്രീത് സിങ് നാല് ഗോളുകളും മന്‍ദീപ് സിങ് ഹാട്രിക്കും സ്വന്തമാക്കി. അഭിഷേക്, വരുണ്‍ കുമാര്‍ എന്നിവര്‍ ഇരട്ട ഗോളുകളും നേടി. ശേഷിച്ചവ ലളിത് ഉപാധ്യായ്, ഗുര്‍ജന്ദ് സിങ്, വിവേക് സാഗര്‍ പ്രസാദ്, മന്‍പ്രീത് സിങ്, ഷംഷേര്‍ സിങ് എന്നിവരും നേടി.
ജയത്തോടെ പൂള്‍ എയില്‍ ഇന്ത്യ ഒന്നാം സ്ഥാനം ഉറപ്പിച്ചു. പൂളിലെ ആദ്യ രണ്ട് സ്ഥാനക്കാരാണ് സെമിയിലേക്ക് കടക്കുക.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
