ഐപിഎല്ലില് ലഖ്നൗ സൂപ്പര് ജയന്റ്സ് ഗുജറാത്ത് ടൈറ്റന്സിനെ 33 റണ്സിന് പരാജയപ്പെടുത്തിയപ്പോള് രവി ബിഷ്ണോയുടെ തകര്പ്പന് ക്യാച്ചും ശ്രദ്ധിക്കപ്പെട്ടു. ബിഷ്ണോയി തന്നെ എറിഞ്ഞ എട്ടാം ഓവറിലാണ് തകര്പ്പന് ക്യാച്ച് പിറന്നത്.
കെയ്ന് വില്യംസണിനെ ഒറ്റക്കൈ ക്യാച്ചിലൂടെയാണ് ബിഷ്ണോയ് പുറത്താക്കിയത്. ക്യാച്ച് ആരാധകരുടെ ഹൃദയം കവര്ന്നു. ബിഷ്ണോയിയുടെ എട്ടാം ഓവറിലെ രണ്ടാം പന്തിലാണ് വില്യംസണ് പുറത്താകുന്നത്. ഒരു ഫുള് ലങ്ത് ഡെലിവറിയില് താരത്തിന്റെ ഷോട്ടില്നിന്നുള്ള പന്ത് ബിഷ്ണോയി വലത്തേക്ക് പറന്നുചാടി ഒറ്റക്കൈയില് കൈയിലൊതുക്കുകയായിരുന്നു. അഞ്ചു പന്തില് ഒരു റണ്ണായിരുന്നു താരത്തിന്റെ സമ്പാദ്യം.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
ബിഷ്ണോയി പന്ത് പറന്നുപിടിക്കുന്നിന്റെ വിഡിയോ സമൂഹമാധ്യമങ്ങളില് വൈറലാണ്. നിരവധി പേരാണ് ഇതിനോട് പ്രതികരിക്കുന്നത്. 'ഐപിഎല് ചരിത്രത്തിലെ ഏറ്റവും മികച്ച ക്യാച്ചുകളി'ലൊന്ന് എന്നാണ് ആരാധകര് വിശേഷിപ്പിച്ചത്. മത്സരത്തില് രണ്ട് ഓവറുകളില് നിന്ന് എട്ട് റണ്സ് മാത്രം വിട്ടുകൊടുത്ത് ഒരു വിക്കറ്റ് താരം നേടി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ