വിശാഖപട്ടണം: ആന്ധ്രക്കെതിരായ രഞ്ജി ട്രോഫി പോരാട്ടത്തില് ഇന്നിങ്സ് വിജയം പ്രതീക്ഷിച്ച് കേരളം. ഒന്നാം ഇന്നിങ്സില് 272 റണ്സില് ആന്ധ്രയെ പുറത്താക്കിയ കേരളം ഒന്നാം ഇന്നിങ്സില് ഏഴ് വിക്കറ്റ് നഷ്ടത്തില് 514 റണ്സെടുത്ത് ഇന്നിങ്സ് ഡിക്ലയര് ചെയ്തു. 242 റണ്സിന്റെ ലീഡാണ് കേരളം സ്വന്തമാക്കിയത്.
രണ്ടാം ഇന്നിങ്സ് തുടങ്ങിയ ആന്ധ്ര മൂന്നാം ദിനം കളി നിര്ത്തുമ്പോള് ഒരു വിക്കറ്റ് നഷ്ടത്തില് 19 റണ്സെന്ന നിലയില്. ആന്ധ്രയ്ക്ക് ഇന്നിങ്സ് തോല്വിയില് നിന്നു രക്ഷപ്പെടാന് 223 റണ്സ് കൂടി വേണം. ശേഷിക്കുന്നത് ഒന്പത് വിക്കറ്റുകള്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
അക്ഷയ് ചന്ദ്രന്, ക്യാപ്റ്റന് സച്ചിന് ബേബി എന്നിവരുടെ സെഞ്ച്വറികളാണ് കേരളത്തിനു കൂറ്റന് സ്കോര് സമ്മാനിച്ചത്. അക്ഷയ് ചന്ദ്രന് 184 റണ്സെടുത്തു. സച്ചിന് 113 റണ്സും കണ്ടെത്തി.
സല്മാന് നിസാര് (58), ഓപ്പണര് രോഹന് കുന്നുമ്മല് (61) എന്നിവര് അര്ധ സെഞ്ച്വറി നേടി. കൃഷ്ണ പ്രസാദ് (43), മുഹമ്മദ് അസ്ഹറുദ്ദീന് (40) എന്നിവരും തിളങ്ങി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ