ന്യൂഡല്‍ഹി: കണങ്കാലിനു പരിക്കേറ്റ് ലണ്ടനില്‍ ശസ്ത്രക്രിയക്ക് വിധേയനായി വിശ്രമിക്കുന്ന ഇന്ത്യന്‍ സീനിയര്‍ പേസര്‍ മുഹമ്മദ് ഷമിക്ക് ആശംസകളുമായി പ്രധാനമന്ത്രി നരേന്ദ്ര മോദി. ശസ്ത്രക്രിയ വിജയകരമായിരുന്നു. ആശുപത്രിയില്‍ നിന്നുള്ള ചിത്രങ്ങള്‍ ഷമി ട്വിറ്ററില്‍ പങ്കിട്ടിരുന്നു. ഈ ചിത്രങ്ങള്‍ റീ ട്വീറ്റ് ചെയ്താണ് പ്രധാനമന്ത്രിയുടെ ആശംസ.
'ഷമി നിങ്ങള്‍ക്ക് വേഗത്തില്‍ സുഖം പ്രാപിക്കാന്‍ സാധിക്കട്ടെ. നല്ല ആരോഗ്യം ആശംസിക്കുന്നു. അങ്ങേയറ്റത്തെ ധൈര്യത്തോടെ ഈ പരിക്കിനെ നിങ്ങള്‍ മറികടക്കുമെന്നു എനിക്കു ഉറപ്പുണ്ട്'- മോദി ആശംസകള്‍ നേര്‍ന്നു എക്‌സില്‍ കുറിച്ചു.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
കണങ്കാലിനു പരിക്കേറ്റ ഷമിക്ക് ലണ്ടനിലാണ് ശസ്ത്രക്രിയ നടന്നത്. ശസ്ത്രക്രിയ കഴിഞ്ഞെങ്കിലും താരത്തിന്റെ തിരിച്ചു വരവ് വൈകുമെന്നു തന്നെയാണ് റിപ്പോര്‍ട്ടുകള്‍. ഷമിക്കു ഐപിഎല്‍ നഷ്ടമാകും. വരാനിരിക്കുന്ന ടി20 ലോകകപ്പ് പോരാട്ടത്തിനു താരം പങ്കെടുക്കുമോ എന്നു ഉറപ്പുമില്ല.
ശസ്ത്രക്രിയ വിജയകരമാണെന്നു വ്യക്തമാക്കി ഹോസ്പിറ്റലില്‍ നിന്നുള്ള ചിത്രങ്ങളും താരം പങ്കിട്ടിരുന്നു. ലോകകപ്പിലെ മിന്നും പ്രകടനത്തിനു താരം ഇന്ത്യക്കായി കളിക്കാനിറങ്ങിയിട്ടില്ല. ജനുവരിയില്‍ പരിക്കിന് ഇഞ്ചക്ഷന്‍ ചെയ്യാനായി ലണ്ടനിലേക്ക് ഷമി പോയിരുന്നു. എന്നാല്‍ ഈ ഇഞ്ചക്ഷന്‍ ഫലം കണ്ടില്ല. പിന്നാലെയാണ് ശസ്ത്രക്രിയ നടത്തിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
