ലഖ്‌നൗ: ഐപിഎല്‍ പുതിയ സീസണ്‍ തുടങ്ങാനിരിക്കെ ലഖ്‌നൗ സൂപ്പര്‍ ജയന്റ്‌സ് ടീമിന്റെ സഹ പരിശീലക സ്ഥാനത്തു നിന്നു ഒഴിവായി മുന്‍ ഇന്ത്യന്‍ വിക്കറ്റ് കീപ്പര്‍ വിജയ് ദാഹിയ. ആന്‍ഡി ഫ്ലവര്‍ നേതൃത്വം നല്‍കിയിരുന്ന പരിശീലക സംഘത്തില്‍ അംഗമായിരുന്നു ദാഹിയ. ആന്‍ഡി ഫ്ലവര്‍ നിലവില്‍ റോയല്‍ ചലഞ്ചേഴ്‌സ് ബാംഗ്ലൂര്‍ ടീമിന്റെ പരിശീലകനാണ്.
ലഖ്‌നൗ മുന്‍ ഓസ്‌ട്രേലിയന്‍ പരിശീലകന്‍ ജസ്റ്റിന്‍ ലാംഗറെ കോച്ചായി ഇത്തവണ എത്തിച്ചിട്ടുണ്ട്. പിന്നാലെയാണ് ദാഹിയ ഒഴിവായത്. നേരത്തെ ടീമിന്റെ മെന്റര്‍ സ്ഥാനത്തു നിന്നു ഗൗതം ഗംഭീര്‍ ഒഴിഞ്ഞിരുന്നു. ഗംഭീര്‍ മുന്‍ ടീമായ കൊല്‍ക്കത്ത നൈറ്റ്‌റൈഡേഴ്‌സിലേക്കാണ് പോയത്.
ജസ്റ്റിന്‍ ലാംഗറിന്റെ അസിസ്റ്റന്റ് കോച്ചായി മുന്‍ ഇന്ത്യന്‍ സ്പിന്നര്‍ ശ്രീധര്‍ ശ്രീരാമിനെയാണ് ലഖ്‌നൗ നിയമിച്ചിരിക്കുന്നത്. പ്രവിണ്‍ താംബെ, മോണ്‍ മോര്‍ക്കല്‍, ജോണ്ടി റോഡ്‌സ് എന്നിവരും ടീമിന്റെ സഹ പരിശീലകരാണ്.
ഓസ്‌ട്രേലിയയെ 2018ല്‍ ടി20 ലോക കിരീടത്തിലേക്ക് നയിച്ച പരിശീലകനാണ് ലാംഗര്‍. ബിഗ് ബാഷില്‍ പെര്‍ത്ത് സ്‌കോര്‍ച്ചേഴ്‌സിനെ മൂന്ന് വട്ടം കിരീടത്തിലേക്ക് നയിക്കാനും ലാംഗര്‍ക്ക് സാധിച്ചിട്ടുണ്ട്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
