ചരിത്രമെഴുതി ഫൈനലില്‍; പക്ഷേ, പൊരുതി വീണു; സാത്വിക്- ചിരാഗ് സഖ്യത്തിനു കിരീട നഷ്ടം
ക്വലാലംപുര്‍: മലേഷ്യന്‍ ഓപ്പണ്‍ ബാഡ്മിന്റണ്‍ പുരുഷ ഡബിള്‍സ് ഫൈനലിലേക്ക് മുന്നേറി ചരിത്രമെഴുതിയ ഇന്ത്യയുടെ സത്വിക് സായ്‌രാജ് രാന്‍കിറെഡ്ഡി- ചിരാഗ് ഷെട്ടി സഖ്യത്തിനു ഫൈനലില്‍ തോല്‍വി. കലാശപ്പോരാട്ടത്തില്‍ ലോക ഒന്നാം നമ്പര്‍ സഖ്യമായ ചൈനയുടെ വി കെങ് ലിയാങ്- ചാങ് വാങ് സഖ്യത്തോടു ഇന്ത്യന്‍ സഖ്യം പൊരുതി വീണു.
സ്‌കോര്‍: 21-9, 18-21, 17-21. ആദ്യ സെറ്റ് നേടിയ ശേഷമായിരുന്ന രണ്ട് സെറ്റുകളില്‍ ഇന്ത്യന്‍ സഖ്യം തോല്‍വി വഴങ്ങിയത്.
ആദ്യ സെറ്റില്‍ മിന്നും ഫോമിലാണ് ലോക രണ്ടാം നമ്പര്‍ സഖ്യമായ സാത്വിക്- ചിരാഗ് സഖ്യം കളിച്ചത്. ഒരു പഴുതും നല്‍കാതെ സെറ്റ് 21-9നു സ്വന്തമാക്കി.
എന്നാല്‍ രണ്ടും മൂന്നും സെറ്റുകൡ ചൈനീസ് സഖ്യം തിരിച്ചടിച്ചു. മൂന്നാം സെറ്റില്‍ ഇന്ത്യന്‍ സഖ്യം 10-3നു ലീഡുമായി മുന്നേറിയിരുന്നു. എന്നാല്‍ സ്‌കോര്‍ 14-14 എന്ന നിലയിലേക്ക് പരിവര്‍ത്തിപ്പിക്കാന്‍ ചൈനീസ് സഖ്യത്തിനു സാധിച്ചതോടെ അവരുടെ ആത്മവിശ്വാസം കൂടി.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
