മെൽബൺ: ചരിത്രത്തിലേക്കാണ് ആ പോരാട്ടം കയറിയത്. ഓസ്ട്രേലിയൻ ഓപ്പൺ വനിതാ സിംഗിൾസിൽ ദൈർഘ്യമേറിയ ടൈബ്രേക്കർ കണ്ട മത്സരത്തിൽ കഴിഞ്ഞ തവണത്തെ വനിതാ സിംഗിൾസ് രണ്ടാം സ്ഥാനക്കാരി കസാഖിസ്ഥാന്റെ എലേന റിബാകിന പുറത്ത്. റഷ്യയുടെ അന്ന ബ്ലിങ്കോവയാണ് ആവേശപ്പോരാട്ടം ജയിച്ചു കയറിയത്.
ടൈബ്രേക്കറിൽ പിറന്നത് 42 പോയിന്റുകൾ. സ്കോർ: 6-4, 4-6, 7-6 (22-20). മൂന്നാം റൗണ്ടിലെത്താതെ റിബാകിന പുറത്താകുകയും ചെയ്തു.
ഗ്രാന്ഡ്സ്ലാം ചരിത്രത്തിലെ ഏറ്റവും ദൈര്ഘ്യമേറിയ ടൈബ്രേക്കറിനൊടുവിലാണ് ബ്ലിങ്കോവയുടെ അട്ടിമറി ജയം. അര മണിക്കൂറിലധികം ദൈര്ഘ്യമുള്ള 42 പോയിന്റ് നീണ്ട ടൈബ്രേക്കറായിരുന്നു ഇത്. പത്താമത്തെ മാച്ച് പോയിന്റ് ബ്ലിങ്കോവ നേടുകയായിരുന്നു.
2007-ല് ഓസ്ട്രേലിയന് ഓപ്പണിലും കഴിഞ്ഞ വര്ഷത്തെ വിംബിള്ഡണിലുമാണ് ഗ്രാന്ഡ്സ്ലാമില് ഇതിനു മുന്പത്തെ ഏറ്റവും ദൈര്ഘ്യമേറിയ ടൈബ്രേക്കറുകൾ കണ്ടത്. 38 പോയിന്റ് നീണ്ടു നിന്ന പോരാട്ടമായിരുന്നു രണ്ടും.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ