ദുബൈ: ഐസിസിയുടെ 2023ലെ ടെസ്റ്റ് ടീമിനെ തിരഞ്ഞെടുത്തു. ഐസിസി ടെസ്റ്റ് ടീം ഓഫ് ദി ഇയര് സംഘത്തിന്റെ ക്യാപ്റ്റന് ഓസീസ് നായകന് പാറ്റ് കമ്മിന്സാണ്. രണ്ട് ഇന്ത്യന് താരങ്ങള് മാത്രമാണ് ടീമില് ഇടംപിടിച്ചത്. ലോക ടെസ്റ്റ് ചാമ്പ്യന്ഷിപ്പ് കിരീടം സ്വന്തമാക്കിയതിന്റെ മികവാണ് കമ്മിന്സിനെ ക്യാപ്റ്റന് സ്ഥാനത്ത് അവരോധിച്ചത്.
അതേസമയം ഇന്ത്യന് ക്യാപ്റ്റന് രാഹിത് ശര്മ, സ്റ്റാര് ബാറ്റര് വിരാട് കോഹ്ലി എന്നിവര് ടീമില് ഇല്ല. രവീന്ദ്ര ജഡേജ, ആര് അശ്വിന് എന്നിവരാണ് ടീമില് ഇടം കണ്ട രണ്ട് ഇന്ത്യന് താരങ്ങള്.
ടെസ്റ്റ് ഫൈനലില് ഇന്ത്യക്കെതിരെ സെഞ്ച്വറി നേടിയ ട്രാവിഡ് ഹെഡ്ഡ്, ഉസ്മാന് ഖവാജ, മിച്ചല് സ്റ്റാര്ക്ക്, അലക്സ് കാരി എന്നിവരാണ് പാറ്റ് കമ്മിന്സിനു പുറമെ ടീമില് ഇടം പിടിച്ച ഓസീസ് താരങ്ങള്. ഐസിസിയുടെ ടെസ്റ്റ്, ഏകദിന ടീമുകളില് രണ്ടിലും ഇടം പിടിച്ച ഏക താരമായി ട്രാവിസ് ഹെഡ്ഡ് മാറി.
ഐസിസി ടെസ്റ്റ് ടീം: പാറ്റ് കമ്മിന്സ് (ക്യാപ്റ്റന്, ഓസ്ട്രേലിയ), ദിമുത് കരുണരത്നെ (ശ്രീലങ്ക), കെയ്ന് വില്ല്യംസന് (ന്യൂസിലന്ഡ്), ജോ റൂട്ട് (ഇംഗ്ലണ്ട്), ട്രാവിസ് ഹെഡ്ഡ് (ഓസ്ട്രേലിയ), രവീന്ദ്ര ജഡേജ (ഇന്ത്യ), അലക്സ് കാരി (ഓസ്ട്രേലിയ), ആര് അശ്വിന് (ഇന്ത്യ), മിച്ചല് സ്റ്റാര്ക്ക് (ഓസ്ട്രേലിയ), സ്റ്റുവര്ട്ട് ബ്രോഡ് (ഇംഗ്ലണ്ട്).
ഈ വാർത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ