ആലപ്പുഴ: തോമസ് ചാണ്ടിയുടെ രാജി വൈകിയെന്ന പാര്ട്ടി നിലപാടിന് വിരുദ്ധ നിലപാടുമായി മുതിര്ന്ന സിപഐ നേതാവ് കെ.ഇ ഇസ്മായില്. പ്രശ്നങ്ങള് പരിശോധിക്കാനുള്ള സാവകാശം മാത്രമേ എടുത്തിട്ടുള്ളു എന്ന് മുഖ്യമന്ത്രിതന്നെ പറഞ്ഞിട്ടുണ്ടെന്നും ഇസ്മായില് ആലപ്പുഴയില് പറഞ്ഞു. മന്ത്രിമായി മന്ത്രിസഭാ യോഗം ബഹിഷ്കരിച്ച നടപടി സിപിഐയില് ചര്ച്ച ചെയ്യുമെന്നും ഇസ്മായില് വ്യക്തമാക്കി, മന്ത്രിസഭാ യോഗം ബഹിഷ്കരിക്കുന്ന നടപടി തന്നോട് പറഞ്ഞിരുന്നുവെങ്കിലും നേതൃത്വത്തില് എല്ലാവരും ഇക്കാര്യം അറിഞ്ഞിരിക്കാനിടയില്ലെന്നും ഇസ്മായില് പറഞ്ഞു.
തോമസ് ചാണ്ടിയുടെ റിസോര്ട്ടിന് മുന്നിലൂടെയുള്ള റോഡിന് ഫണ്ട് നല്കിയത് പാര്ട്ടി പറഞ്ഞിട്ടാണെന്നും ഇസ്മായില് പറഞ്ഞു. പ്രാദേശിക നേതൃത്വം ശുപാര്ശ ചെയ്തു. സംസ്ഥാനനേതൃത്വം ഈ അപേക്ഷ പരിശോധിച്ചു. ഈ അപേക്ഷയിലാണ് ഫണ്ട് അനുവദിച്ചത്. ലേക് പാലസ് റിസോര്ട്ടില് ഇതുവരെ പോയിട്ടില്ല. അവിടുത്തെ ആതിഥ്യം സ്വീകരിച്ചിട്ടില്ലെന്നും മുന് മന്ത്രി പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ