തിരുവനന്തപുരം: മേയറെ മര്ദ്ദിച്ച സംഭവത്തില് ഉള്പ്പെട്ട ബിജെപി കൗണ്സിലര്മാരെ ഇന്ന് അറസ്റ്റ് ചെയ്യും. ഇവര് ചികിത്സയില് കഴിയുന്ന സ്വകാര്യ ആശുപത്രിയില് എത്തിയാകും അറസ്റ്റ് രേഖപ്പെടുത്തുക.
ഇന്നലെ ഇവരെ അറസ്റ്റ് ചെയ്യുന്നതിനായി പൊലീസ് ആശുപത്രിയില് എത്തിയിരുന്നു എങ്കിലും അറസ്റ്റ് ചെയ്യാതെ പിന്മാറുകയായിരുന്നു. ഇവരെ അറസ്റ്റ് ചെയ്ത് നീക്കാന് ഡോക്ടര്മാര് സമ്മതിച്ചില്ല എന്നതിന് പുറമെ സംഘര്ഷ സാധ്യതയും മുന്നില് കണ്ടായിരുന്നു പൊലീസ് പിന്മാറിയിരുന്നത്.
അറസ്റ്റ് ചെയ്യാനുള്ള പൊലീസിന്റെ നീക്കം തടയുമെന്ന് ബിജെപിയും വ്യക്തമാക്കിയിരുന്നു. എന്നാല് ജാമ്യമില്ല വകുപ്പ് പ്രകാരം കേസെടുത്തിരിക്കുന്നതിനാല് അറസ്റ്റ് ഒഴിവാക്കാന് സാധിക്കില്ലെന്നാണ് പൊലീസ് വിലയിരുത്തല്. ഇതിനാല് ആശുപത്രിയില് എത്തി അറസ്റ്റ് രേഖപ്പെടുത്തിയതിന് ശേഷം ഇവരെ പൊലീസ് കാവലില് ആശുപത്രിയില് ചികിത്സയില് തുടരാന് അനുവദിച്ചേക്കും എന്നാണ് സൂചന. തിരുവനന്തപുരത്തെ ബിജെപി കൗണ്സിലര്മാരായ ഗിരികുമാര്, ബീന എന്ന്ിവരുടെ അറസ്റ്റാണ് പൊലീസ് രേഖപ്പെടുത്തുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ