തിരുവനന്തപുരം: എല്ഡിഎഫ് സര്ക്കാരിന്റെ മദ്യനയത്തിനെതിരെ പ്രക്ഷോഭം ആരംഭിക്കുമെന്ന് യുഡിഎഫ്. ആരാധനാലയങ്ങളുടെ സമീപത്ത് നിന്നും ബാറുകളുടെ ദൂരപരിധി കുറച്ചതുള്പ്പെടെയുള്ള വിഷയങ്ങള് ചൂണ്ടിക്കാട്ടി യുഡിഎഫും, കോണ്ഗ്രസും ശക്തമായ പ്രക്ഷോഭം സംഘടിപ്പിക്കുമെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു.
കോണ്ഗ്രസിന്റെ പ്രതിഷേധ സമരങ്ങളുടെ ഭാഗമായി സെപ്തംബര് 11ന് സെക്രട്ടറിയേറ്റിന്റെ പടിക്കലും, ജില്ലാ കളക്ടറേറ്റുകളുടെ പടിക്കലും സമരം നടത്തും. സെപ്തംബര് 14ന് ചേരുന്ന യുഡിഎഫ് യോഗത്തിലായിരിക്കും വിശദമായ സമരപരിപാടികള് തീരുമാനിക്കുക.
കഴിഞ്ഞ തെരഞ്ഞെടുപ്പ് കാലത്ത് ബാര് മുതലാളിമാര് പണമൊഴുക്കി എല്ഡിഎഫിനെ സഹായിച്ചതിന്റെ പ്രത്യുപകാരമാണ് അവരിപ്പോള് ചെയ്യുന്നത്. മദ്യ മുതലാളിമാരുമായി നടത്തിയ ഗൂഢാലോചനയുടെ ഫലമാണ് മദ്യനയത്തില് പ്രതിഫലിക്കുന്നത്. ഇതൊന്നും ജനങ്ങള് അംഗീകരിക്കാന് പോകുന്നില്ലെന്ന് ചെന്നിത്തല പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ