ഇടുക്കി: ഹര്ത്താല്രഹിത ഗ്രാമം പ്രഖ്യാപിച്ച് വ്യാപാരികള്. ഇടുക്കി ജില്ലയിലെ വെണ്മണിയില് ഇനി ഒരു ഹര്ത്താലിനും കടകള് അടക്കില്ല. ഹര്ത്താലിന് കടയടയ്ക്കേണ്ടതില്ലെന്ന് വെണ്മണിയിലെ മര്ച്ചന്റ്സ് അസോസിയേഷന് തീരുമാനിച്ചു. നാട്ടുകാരുടെ പൂര്ണ്ണ സഹകരണത്തോടെയാണ് ഈ തീരുമാനം.
കഞ്ഞിക്കുഴി പഞ്ചായത്തില്പ്പെട്ടതാണ് വെണ്മണി പ്രദേശം. അടിക്കടിയുള്ള ഹര്ത്താലുകള് കൊണ്ട് വലഞ്ഞപ്പോള് വ്യാപാരികള് യോഗം ചേര്ന്ന് ഈ തീരുമാനത്തിലെത്തുകയായിരുന്നു. ഏതു രാഷ്ട്രീയ പാര്ട്ടിയായാലും ഹര്ത്താലിനു കടയടയ്ക്കില്ല. ഒറ്റക്കെട്ടായി നേരിടാനാണ് തീരുമാനം.
ഹൈക്കോടതി ഉത്തരവുള്ളതിനാല് ഹര്ത്താല്ദിനത്തില് വേണ്ടിവന്നാല് പൊലീസിന്റെ സഹായവും ആവശ്യപ്പെടാനാണ് സംഘടനകളുടെ തീരുമാനം. ഹര്ത്താല്രഹിത വെണ്മണി എന്ന ബോര്ഡ് ടൗണില് പലയിടത്തും സ്ഥാപിച്ചുകഴിഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ